就在剛剛，三星發出了邀請函，表示會在 2017 年 1 月 5 日舉行春季系列產品發佈會，到時三星會發表一系列智能手機包括 Galaxy C9 Pro、Galaxy S7 Edge (128GB)、手提電腦以及桌面電腦等等。當中的重點應該會係 C9 Pro，雖然行貨未出，不過其實水貨一早已經有，而且都相當受歡迎。C9 Pro 最新水貨價約 $3200，除左有 6 吋大芒，仲配備了 S653 處理器，內置 6GB RAM 以及 64GB ROM。至於香港行貨會賣幾錢，就暫時未有消息，一有消息，版主會第一時間話俾大家知。
除左會發表「專業師奶」，同場仲會有 128GB 的 S7 Edge，相信應該就係版主 Keith 之前介紹過的「亮黑」版本。而版主收到風，呢部 128GB 版本的 S7 Edge，可能在下星期就會開賣 (估計係發表果日)，建議零售價為 $6198，但到時大舖會唔會有減價，就未有消息。如果想知更多呢兩部手機的購機情報，記得要留意版主稍後的分享！唔知大家又對呢兩部機有無興趣呢？
三星 S7 Edge (128GB) 在文章發表時，大舖賣價為 $6198，按這裡有詳細規格及最新賣價。
