兩間大舖 Sales 自爆
是咁的，今日行過電器連鎖店，首先是衛訊。一個著住三星制服嘅人，已迎面而來。我問佢，S8 有得訂未，佢話有，佢問我要大機 (S8+)，定細機 (S8)，當然，最後佢都把 S8 與 S8+ 兩個版本嘅售價，話俾我知。不過，佢無講實。
佢話：「S8 大概買五千七，S8+ 就係六千四，同七千左右」
記著，用「左右」未係好 Confirm 但都知道賣幾錢。
之後再行過豐澤，Sales 更加講明賣幾錢!
佢話：「S8 $5,698，S8+ $6,398, 6GB RAM 就 $6,998」想買嘅話，今日可以訂，仲有乜乜乜優惠。
有留意，兩個 Sales 講嘅價錢，同版主之前爆的價錢係一様嘅！咁你都可以唔信，我明白的。不過，門市 Sales 佢地講到咁實牙實齒，相信都唔講大話。此外，若果三星最後公佈，S8 與 S8+ 賣得貴過上面嘅價錢，咁 Sales 隨時俾人告！
版主又收到料，三星香港可能再改價錢，係賣貴 D 定平 D？可能佢地想等埋 HTC U 同埋 Sony Xperia XZ Premium 吧。不過，後者就算係日本攪發佈會，都無公佈香港賣價。似乎要參考對手嘅賣價再改動，係有點難度嘅。
