Samsung GALAXY Note8 發表！搶先實機寫真 + 六個即敗的理由

Keith Yim 2017-08-23 16:50 | Samsung

有些品牌，天生出乜都多人注意，除了蘋果，就係三星。有人對版主講，愛玩三星的，都鐘意佢夠高技，好用與否，技術搶先。版主覺得，三星 Note 系列勝在有支筆 SPEN ，亦可以算係年頭 S 系嘅完整版本。Samsung GALAXY Note8 又會否令你滿意？我數了六個要敗的理由，當然，我只係把佢嘅重點跟大家分享，你會立即 For 水去敗，定係繼續做 Hater? 不如齊齊發表討論。

001：五個色系，粉色繼續有
Samsung Galaxy Note8 實機睇來，主要參考了 S8+ 嘅設計，只係把 S 系圓角改回比較方正的線條，所以你一眼就知佢係 Note 系列，唔係 S 系列。Note8 整體機身尺寸要比 S8+ 稍微放大了一點，原因是 Note8 略大，達 6.3 吋，注意因為都係 18.5 :9 屏幕比例，實際手感唔會太大部，你預跟之前 5.7 嘅嘅 Note7 差唔多大細就是了。所謂外型先決，Note8 一口氣出五款顏色，包括午夜黑、珊瑚藍、星紫灰與星燦金。據知剛係香港推出嘅 S8 粉紅色系，都會係加入 Note8 中。

▲ 左至右：粉紅、藍、金、黑。

▲ Note8 並沒有跟隨 S8 的腳步推出二款不同芒 Size 款式，只有一款採用 6.3 吋的 Super AMOLED 無邊際屏幕，屏佔比有 83.6%，採 18.5:9 比例，解像度為 WQHD+（2960 x 1440），基本上跟 S8+ 是一樣的，只是屏幕比 S8+ 大了 0.1 吋。

▲ 雖有有 6 吋多嘅屏幕，但因為採用了窄長嘅比例，令 Note8 外型不會好闊。

002：防水包埋支 S-Pen

Note8 由於採用無邊際屏幕設計關係，因此機身正面和 S8 系列一樣沒有任何實體按鍵，不過屏幕下方與 S8 一樣，可用按壓的方式當作實體 Home 鍵使用。此外，先前的 IP68 防水防塵機能，也原封不動移植到了 Note8 上面，不管是手機本身或是 S Pen 都可以支援 IP68 防水，全機都防水，好消息吧。

▲ S Pen 與 Note8 本身都有 IP68 防水防塵證。

003：雙鏡雙 OIS 相機

點解要敗 Note8，除了 S Pen，就係今次 Note8 比 S8 更好玩。Note 8 採用雙鏡頭主相機的設計，是三星首款的雙鏡頭旗艦手機，兩個主鏡頭都具備 OIS 光學防震機能。Note8 在機身背面加入 2 個 1200 萬像像素鏡頭，一個支援 F1.7 光圈、OIS、77 度視野（等效焦距約 26mm）、dual pixel 相位對焦；另外一個是 2X 望遠鏡頭，支援 F2.4 光圈、OIS、42 度視野（等效焦距約 52mm）、自動對焦（無 dual pixel）。前置相機為 800 萬畫素，支援 F1.7 大光圈。

▲ 雙攝部份，採用兩組不同焦距嘅千二萬像素模組。

004：景深玩意勁過 iPhone 7 Plus

由於加入了雙鏡頭設計，Samsnung Galaxy Note8 除了可切換 1X 與 2X 不同視野之外，它還支援「景深預覽」以及「遠近雙拍」的功能，景深預覽開啟之後，若拍照主體與背景有一段距離，相機可以即時把背景模糊化，使用者可即時預覽、調整模糊程度，而且在拍照完成之後還可以回去再調整（但只能模糊背景，無法任意調整對焦點）。而「遠近雙拍」可以在拍照時用二個鏡頭同時拍攝，然後可得出一張廣角與一張望遠的照片。

▲ 跟 iPhone 7 Plus 一様， Note8 可以拍攝人物為主角嘅照深相片，不同嘅係，Note8 可以係影相後，調節背照模糊度，iPhone 7 Plus 唔得。

005：S Pen 畫 GIF 好容易

新一代的 Galaxy Note8 在 S Pen 功能上也有進步。硬體方面，Note 8 的 S Pen 與 Note 7 是一樣的，具備 0.7mm 極細筆尖、4096 階感壓、IP68 防水防塵；而 Note 8 中也加入一些新功能，焦點一定係「手寫動態貼圖」可用 S Pen 在螢幕上手寫文字或繪圖，手機會把書寫過程記錄成 GIF 動畫檔，用戶可透過即時通訊軟體或是 email 方式分享給朋友。

▲「懸浮翻譯」新增整句翻譯的功能，不再只有以往的單字翻譯，並且還支援單位或貨幣的轉換；「隨手便利貼」可在鎖定狀態抽出 S Pen，馬上在螢幕上記事，新版本將可書寫的頁數從一頁增加到 100 頁，而且可以釘選在 Always-on Display 鎖定畫面上，讓用家一眼就看到。

006 : 6GB RAM 支援 4CA LTE

Note8 內建 Samsung Exynos 8895 10nm 製程處理或 Qualcomm Snapdragon 835 處理器，如無意外，因為香港版本要做中國全網通，應該會選用 S835 CPU 版本。而肯定係先推出 6GB RAM 以及 64GB ROM、藍牙 5.0，也有 NFC 與 MST 技術，支援 Samsung Pay。電池規格部分，Note 8 機身內建 3300mAh 電池，並且支援無線快充。