網絡商、大舖鬥減價！三星 C 系手機愈賣愈平，入手是時候？

左定坤 (Cho Ting Kwan) 2018-01-10 17:18 | Samsung

話說自從三星 Galaxy A8+ 推出之後，雖然目前機價未見有減，大舖賣價依然企硬 $4398，你可能會嫌貴，但有無發現，其實現有的 Galaxy C 系列中階機款，已經出現了新低價呢？然而，在大舖有減價的同時，網絡商卻減得更狠，將其中一部 Galaxy C 系手機減 $800 之多，又係咪入手的好時機呢？睇下文啦！



版主問到，三星 Galaxy C 系列手機在百老匯出現了暗價，除了 Galaxy C8 之外，其餘的 Galaxy C 系列手機都有減價，當中的 Galaxy C9 Pro 暗價為 $3398，Galaxy C7 Pro 暗價為 $2798，而 Galaxy C5 Pro 則為 $2398，即相比其他大舖的賣價，再便宜多 $200。呢個價，網友願唔願意幫百記清貨呢？


▲ 不過，其實雖然話就話百老匯有暗價，但實際上 C7 Pro 同 C9 Pro，在豐澤都係呢個價錢。而 C5 Pro 百老匯則平多 $200。

不過，大舖係有平左呀，但網絡商買可能會更抵！主要講嘅係 Galaxy C9 Pro，雖然大舖仲係賣緊 $3398，但中國移動香港 (6/2 更新: 已無左) 以及 SmarTone 都先後出招，將 Galaxy C9 Pro 減得比大舖更狠，賣價為 $3198，相比原價便宜 $800，網友又會唔會考慮呢？至於其餘的 Galaxy C 系手機，則暫時跟大舖打成平手。


▲ 6/2 20:14 更新：早兩日都仲係 $3198，今日再睇，發現中國移動香港偷偷將 C9 Pro 變回 $3398。


▲ 不過 SmarTone 現時依然 keep 住賣 $3198。

這三部手機規格方面如何呢？就讓版主利用 ePrice 手機比拼系統 show 俾大家睇：

▲ 按上圖或按這裡，進入 ePrice 手機比拼系統。

Samsung Galaxy C5 Pro 在文章發表時，大舖賣價為 $2398，按這裡有詳細規格及最新賣價。
Samsung Galaxy C7 Pro 在文章發表時，大舖賣價為 $2798，按這裡有詳細規格及最新賣價。
Samsung Galaxy C9 Pro 在文章發表時，大舖賣價為 $3398，按這裡有詳細規格及最新賣價。