之前，版主都講過，一月份先來中價手機大戰！HTC vs Sony vs 三星，今日輪到三星係香港推出 Galaxy A8+ (2018)，呢部機，其實之前我哋都有評測，規格亦可以由我哋嘅 Database 知道了。不過，有件事，今日版主先知道，就係
Samsung GALAXY A8+ (2018) 香港版將會成為第三款支援 Samsung Pay x 八達通嘅手機。即係繼 Note 8、S8/S8+ 第三款可以把八達通內置係手機裡面 (不是 SIM 卡)，可以直接用手機 Do 入港鐵站、係便利店超市買嘢。
大家留意，版主用嘅了「將」字，因為係 1 月 26 日賣街嗰日，A8+ 仲未用到 Smart Octopus。據版主收到消息，應該三月左右就會開通。
Samsung Galaxy A8+ (2018) 香港版，會係 1 月 26 日上市，官方建議零售價為 $4398，支援 4G + 3G 雙卡雙待，因為今次用回 Exynos SoC 所以做不到中國全網通，不會對應中國大陸中國電信網絡。不過呢，TD-LTE 頻段就多好多，去到歐美日韓都可以用到佢地嘅 4G 網絡。而 A8+ 都係一款支援中國移動 4G TD-LTE 及 3G TD-SCDMA 頻段嘅手機，有關呢部機支援邊一條 4G 頻譜，可 Click 入我哋嘅手機介紹。另外， A8+ 是真. 三卡手機，即係你可以插兩張 SIM 卡，仲可以插埋 MicroSD 卡，可以講係呢部機嘅最大優點之一。
▲ 三款顏色選擇。
▲ 真. 三卡設計
Samsung Galaxy A8+ (2018) 於文章發表時，售價為 $4398 按呢到有詳細規格及最新賣價。
