根據版主收到的消息，三星 Galaxy A9 會有兩個容量版本，普通 6GB RAM 版本同埋 8GB RAM 版本，前者會在 11 月 30 日賣，建議零售價為 $3998，而後者則會在 12 月 7 日賣，建議零售價為 $4398 。呢個價，網友認為是否能夠接受呢？
事實上，以一部 S660 的手機來說，今時今日仲賣四千蚊，確實係稍為貴了一點，雖然其實呢個價已經比我想像中平咗...... 而呢部 Galaxy A9 最大賣點，就係佢果四個主鏡頭，包括 2400 萬像素 77 度廣角鏡頭、1000 萬像素 2x 光學變焦相機、800 萬像素 120 度超大廣角鏡頭及 500 萬像素用來測度景深嘅鏡頭。至於續航方面，Galaxy A9 有 3800mAh 電池，唔係真係叫大電，但普通使用唔打機，應該頂到一日。
當然，我都有少少興趣想試玩下呢部四鏡頭手機，大家又有無興趣呢？
P.S. 另外三星發佈會當日仲會有其他「驚喜」。想知，Click 呢到。
三星 Galaxy A9 (6GB) 在文章發表時，建議零售價為 $3998，按這裡有詳細規格及最新賣價。十一月三十日賣街。
三星 Galaxy A9 (8GB) 在文章發表時，建議零售價為 $4398，按這裡有詳細規格及最新賣價。十二月七日賣街。
