示範 + 評測：AI 影相更靚！即試三星 Galaxy S10 / S10+ 影相效能

Keith Yim 2019-02-20 16:58 | Samsung

剛剛小米發佈小米 9 手機，係 Dxomark 高分到連蘋果 iPhone XS Max 都擊敗，小米課咗幾多金就無人知，但肯定為其他手機廠帶來壓力！呢個會包括三星嗎? Samsung Galaxy S10 系列，相機部份都有唔少升級，今次先來介紹影相新功能。

雙鏡頭或三鏡頭主相機

溫書：三星 S10 系列三款機種嘅相機規格都唔同。主相機部分，三款 S10 包括 S10e / S10 與 S10+ 都用 1200 萬像素廣角鏡頭，這個鏡頭除了支援 OIS 光學防手震外，也支援 F1.5 / F2.4 雙光圈與 dual pixel 對焦，視野則有 77 度，簡單來講，就係將 Note 9 吧主鏡頭，直接移植到 S10 系列。而 S10 / S10+ 仲有一個 1600 萬像素超廣角鏡頭，視野 123 度，光圈 F2.2，採固定焦點。

S10e 是由上面提到的二個鏡頭組成雙鏡頭主相機，不過在 S10 與 S10+ 上，則採三鏡頭主相機配置，額外加入一個 1200 萬像素 F2.4 二倍望遠相機，視野為 45 度，同樣支援 OIS 光學防手震。

而前置相機部分，S10e 與 S10 採用單鏡頭設計，採用 1000 萬像素 F1.9 光圈相機，支援 dual pixel 對焦，並有 80 度廣角視野。而在 S10+ ，前置相機則採雙鏡頭配置，額外加入一個 800 萬像素 F2.2 光圈 RGB 景深相機，讓 S10+ 成為「前雙後三」嘅五鏡頭手機。

S10 / S10+ 有三個主鏡頭

S10e 有雙主鏡頭

S10+ 前置有雙鏡頭

S10 / S10e 前置係單鏡頭

相機功能

呢一次 S10 系列相機方面強調有 30 種 AI 自動辨識場景（與 Note9 相比新增服飾 / 人臉 / 人群 / 鞋 / 舞台 / 交通工具 / 飲料 / 貓 / 狗 / 嬰兒），而且因為加入了 NPU 神經網路運算單元設計，手機係 AI 處理性能上面更加強，因此自動場景辨識的速度比起 S9 要快 10 倍。

「拍攝建議」功能

S10 系列相機功能新增「拍攝建議」。三星透過 2 億張照片機器學習嘅結果，開啟後，相機會分析畫面中嘅元素，建議用戶要如何取景，如果水平線歪掉的話，相機也會顯示水平指引，當用戶將拍攝畫面中央移到相機建議位置的白點上，並且將水平修正後，相機就會自動拍攝照片。

未照拍攝建議

依照拍攝建議

▲ 大家覺得，依照拍攝建議之後，會唔會真係影得好睇咗?

▲ 拍攝建議功能的實際操作影片。

自拍玩呢 D

自拍部份，雖然 S10 系列依據機型不同，會有單鏡頭與雙鏡頭的前置相機配置，不過無論邊一款，自拍嗰陣都可以做到景深即時預覽，當然擁有雙鏡頭的 S10+ 係模擬景深的效果上會 D。此外，S10 係景深即時預覽部份也新增四種景深效果，分別是背景模糊程度調整、背景抽色、放射狀背景模糊以及旋轉背景模糊，令網友拍出不同效果嘅自拍照。

▲ 放射模糊效果。

錄影也有新玩法

S10 系列係錄影部份都有新功能。首先，S10 的主鏡頭與前置鏡頭均支援 4K 錄影，主鏡頭甚至可錄製 4K 60FPS 的影片，並可切換三個鏡頭的視野；而因為 S10 系列的屏幕均採用 Dynamic AMOLED 面板，支援 HDR10+ 廣色域顯示，因此三星也在手機中加入 HDR10+ 影片錄製的支援。不過此功能目前還是實驗性質，因此並非預設開啟，有需要使用的話可以到相機介面中將佢打開。

S10 系列加入影片防手震，它並非直接採用鏡頭的 OIS，係開啟後，相機會預設用超廣角鏡頭錄影，並且只裁切中央部份，而外圍的畫面就會成為防手震的緩衝區，因為緩衝範圍較大，所以可以確保影片防震效果比起一般的 EIS 更好。不過要將 HDR10+ 錄影開啟嘅話，呢嗰功能就會無法使用。