Q1. 不如開個 Facebook Live，我哋邊睇你玩機，邊問嘢？
A1. Good idea，不過其實想解釋返，因為剛才試機 Section 是有 NDA (保密協議)，所以不能用 Live 的形式跟大家分享，而現在手機要交還三星，因此這次做不到 Live 的了。
Q2. 想知道着芒果陣充電有幾多功率？
三星 Galaxy S20+ 以及 Galaxy S20 Ultra 分別支持 25W 以及 45W 快速充電，而 Z Flip 則支持 15W 有線快充。不過會否熄芒才做到這個功率，着芒會有限制，經版主向三星方面了解，得出的回覆是：「因為現時這些手機仍是工程機，所以暫時未有這些數字」，估計要留待香港正式推出時，才能給予大家確實的答案。
Q3：Galaxy Z Flip 塊假玻璃有幾似真玻璃？
在這裡要解釋一下，Galaxy Z Flip 的屏幕用上了 Ultra Thin 超薄玻璃材質，所以並非「假玻璃」，當然看上去、摸上手，就是玻璃的樣子。至於何以出現「假玻璃」一說，主要是因為 YouTuber @JerryRigEverything 測試過 Z Flip 的屏幕強度，在第二級硬度測試中，就已經出現刮痕，就跟普通塑膠一樣，令人懷疑它的可靠性。
的確，屏幕用上超薄玻璃，為做到超薄，或許在硬度方面會有少少犧牲。但又這樣說，正常來說平時只要合上手機才放進褲袋，按照三星的指示做足，例如沒有將異物夾在中間，理論上正常使用還是不必過份擔心。
Q4：可唔可以送部畀我？
版主都好想有人送畀我...... 2 盒 Thanks
Q5：實機厚唔厚？
先講厚度，版主用電池最大、有 5000mAh 的三星 Galaxy S20 Ultra，同大家做個比較，大約就跟我手上的 iPhone 11 Pro 厚度差不多吧，最多都係厚多少少～
▲ 左：S20 Ultra；右：iPhone 11 Pro。
Q6：實色好唔好睇？
如果係 Galaxy Z Flip，我想都不用想，會直接答：紫色！這種紫色無論是男生抑或女生，應該都同樣會喜歡，若果我真的要買，相信也會考慮這種顏色。
至於 Galaxy S20+，一共有藍、黑、灰三種顏色，而版主會比較偏向喜歡藍色，好唔好睇就見人見智。
最後就是 Galaxy S20 Ultra，現場只見有灰色，而我認為隻灰色其實又不太差，而且還有一種蠻專業的味道。
▲ S20+ 有藍、黑、灰三色。
▲ S20 Ultra 灰色。
▲ Z Flip 則有黑、紫兩色。
Q7：係唔係可以 Set 108MP？在不夠光的情況下會唔會變 12MP？
三星 Galaxy S20 Ultra 有得手動 Set 「4:3 108MP」，而在不夠光的情況下，會自動觸發「夜間模式」的選項，但就算開啟了夜間模式，亦不會變成 12MP，而是繼續保留 108MP。
Q8：手持 Zoom 到幾多倍算清？
Galaxy S20 Ultra 支持 100 倍 Zoom，而開到 100 倍 Zoom，其實需要對手十分定，當然最理想是用上腳架吧！而無論你 Zoom 到 30 倍還是 100 倍，在按下快門之後，手機會自動用 AI 進行影像的調整，就算你在按下快門之前一刻，還是覺得模糊，但出到來效果，還是不太差。
而因為現場不能取出相片，只能憑肉眼在手機屏幕上看，我覺得去到 30 倍時，還是相當清晰，至於如果用到 100 倍 Zoom，會有點油畫的感覺，但整體清晰度比起華為 P30 Pro、小米 Note 10 Pro 的 50 倍 Zoom 還要高，雜訊亦相對較少。
▲ 30 倍 Zoom。
▲ 100 倍 Zoom。
Q9：香港幾時賣？賣幾錢？
見到有更多網友都想知道，香港會幾時賣以及賣幾錢，老實說，版主的確已收到相關的消息，但不敢過早跟大家說，原因是擔心三星內部會再將賣價之類再作調整 - 當然，根據以往經驗版主還是會再跟大家 Update 最新消息。
而因為見有這麼多網友對上市資訊感興趣，版主就稍為透露一下目前收到的情報：
Galaxy Z Flip：3 月 6 日開賣，價錢之前講過，自己睇文～
Galaxy S20 系列：
目前消息同版主之前收風的一樣，暫時都係預計 3 月 13 日開賣，即比 Galaxy Z Flip 遲一星期，而價錢部分，最新消息是，S20 (12GB + 128GB) 大約係七千蚊左右，S20+ (12GB + 128GB) 大約係八千蚊左右，至於 S20 Ultra (12GB + 256GB & 16GB + 512GB) 則分別約 1 萬蚊以及萬一蚊左右。
20:51 Update: 見到有網友在 Telegram post 咗張相，exactly 同我所收到的消息一樣，但最後會否有所調整，就要睇三星香港如何決定。
（Source: From Telegram)
而如果版主收到更準確的消息，版主會第一時間跟大家 Update。
三星 Galaxy S20、S20+、S20 Ultra 發表及評測
即睇三星 S20 系列 / Z Flip 賣價！版主收風：香港預計呢一日賣
秒殺小米、華為 有 100 倍 Zoom！三星 S20 / S20+ / S20 Ultra 發表
三星摺機 Galaxy Z Flip 發表！香港會賣，網友想 Buy？
Galaxy Z Flip vs Galaxy Fold 真機比一比
粉紅機身最靚？三星 S20 / S20+ / S20 Ultra 評測：實機外觀
100x Zoom 超屈機！一文看清三星 S20 Ultra 六大相機賣點
五個不同一定要知！三星 S20 / S20+ / S20 Ultra 比拼
立即 Click 入睇 Galaxy Z Flip 表列功能介紹，包括詳細規格表及最新賣價。