三星 Galaxy Z Flip6 / Z Fold6 水貨抵港 平過行貨最高 $2600
根據一間專賣水貨嘅網店報價，三星 Galaxy Z Flip6 目前上架嘅有兩個容量版本，分別為 12GB+256GB 以及 12GB+512GB 版本，第一水賣價分別為 $7025 以及 $7840，相比起行貨嘅 $8698 以及 $9698 平 $1600 至 $1800 左右；至於 Galaxy Z Fold6 則暫時只有賣 12GB+256GB 版本，第一水賣價則為 $11810，對比起行貨嘅 $14398 相差 $2600 左右。呢個差距，唔知網友又會唔會考慮向水貨入手呢？P.S. 如果唔急其實可以再等下，雖然大舖好少會有減價，但水貨價一般會跌好快，早買早享受，遲買平幾舊呀 Ching！
三星 Galaxy Z Flip6 / Z Fold6 硬件規格
規格方面，三星 Galaxy Z Flip6 採用咗 6.7 吋 2640 x 1080 內屏幕以及 3.4 吋 720 x 748 外屏幕，重量為 187g，配備 Qualcomm Snapdragon 8 Gen 3 for Galaxy 處理器，電池容量為 4000mAh，支持 25W 有線快充、無線充電以及無線反向充電，並具有 5000 萬像素廣角以及 1200 萬像素超廣角鏡頭，前置鏡頭則為 1000 萬像素。至於 Galaxy Z Fold6 則採用咗 7.6 吋 2160 x 1856 內屏幕，以及 6.3 吋 2376 x 968 外屏幕，重量為 239g，同樣配備 Qualcomm Snapdragon 8 Gen 3 for Galaxy 處理器，電池容量有 4400mAh，支持 25W 有線快充、無線充電以及無線反向充電。相機部分 Galaxy Z Fold6 有三個後置鏡頭，分別為 5000 萬像素廣角、1200 萬像素超廣角以及 1000 萬像素 3x 長焦鏡頭，而前置鏡頭也有兩個，一個是位於內屏幕，是 400 萬像素屏下鏡頭，而另一個位於外屏幕，有 1000 萬像素。
水貨查詢：etopia.hk