亮點 001: 放大摺機優勢 用戶體驗行先
眾所周知，Samsung 作為摺疊手機嘅龍頭，喺研發呢個領域上已經有好多年嘅經驗，設計呢方面可以話係相當得心應手。如今來到Z Flip6，睇得出有好多改良係更加以用戶體驗主導。就以奧運呢個勝利Selfie為例，細摺可以用外屏影相其實都唔係咩新鮮事，但根據入鏡嘅人數來智能zoom in / out呢個Auto Framing就真係一個照顧到用家嘅使用習慣同需求嘅細節位。無論係江旻憓奪金嘅個人賽定係乒乓波混雙企成六個人嘅頒獎台，都可以將咁值得記錄嘅歷史時刻同運動員咁開心嘅樣靈活捕捉到，呢個用落就真係抵讚嘅。
▲ 得獎運動員用 Galaxy Z Flip6 拍攝的自拍
而喺耐用度方面，更加係持續領先！今代 Galaxy Z Flip6 嘅雙軌結構鉸位設計配以增強型鋁合金邊框以及 Corning Gorilla Glass Victus 2 玻璃，手機開合更順暢之餘，實測可以摺疊嘅角度都比官方所講嘅75 - 115度更廣同穩陣，而且手機整體耐用程度亦有所增強，非常硬淨。
亮點 002: 機身纖薄輕巧 手感一流
現今大部分人都係機不離手，手機耐用度高固然重要，但成日拎住部手機，手機機身纖薄輕巧，當然亦係重要嘅一環。新一代嘅摺機綜合手感，厚度及重量，都比市場上同類型摺機出色。補充返少少資料，Galaxy Z Flip6 重量僅有 187g，打開咗之後厚度只有 6.9mm，而摺埋咗之後屏幕之間幾乎完全無任何空隙，令摺合後厚度亦只有 14.9mm，感覺相當實淨。雖然未必係整個細芒摺機市場中最輕、最薄嘅一部，但絕對係上手感覺最舒服嘅摺機之一，拎上手比市場其他手機更平衡，並且有更舒服嘅手握感。加埋內置智能感應NFC卡嘅Flipsuit Case一齊用就更加穩陣，仲可以根據NFC卡主題自動感應幫個外屏幕變身添！
▲ Flipsuit Case除左可以自動感應轉外屏Wallpaper之外，今代仲推出左閃燈設計嘅NFC卡！
亮點 003: 香港唯一獲IP48防水防塵認證嘅摺機
大多數情況下，我哋當然唔會無端端將部手機放入水中啦，但有時如果手機有一定程度嘅防水能力，哪怕只係防濺水，都可以令使用上更加安心，例如落雨淋到少少可以唔使太驚，或者好似小編平時鍾意一邊沖涼，一邊篤手機，多少都可能會彈到少少水滴，有一定防水能力，對用家嚟講，都係一個保障。對比同類型摺芒手機，Galaxy Z Flip6 係香港市場上唯一獲得IP48防水防塵認證嘅摺芒手機，令用家喺日常生活之中，都可以放心使用。另外，主屏幕支援最高2,600nits嘅屏幕亮度，喺戶外陽光底下都可以清晰睇到屏幕內容，亦比市面上其他標榜支援更高nits數嘅細摺機有更理想嘅抗光表現。
亮點 004: 專屬 Galaxy 晶片效能亮眼
同市場上同類型摺機相比，Galaxy Z Flip6 喺性能方面亦相當亮眼，配備咗 Qualcomm Snapdragon 8 Gen 3 for Galaxy 處理器，係 Samsung 獨家同 Qualcomm 合作研發嘅晶片，貼合Galaxy手機及Galaxy AI帶黎更高嘅性能。同時今代Flip第一次配備Vapor Chamber ，即使玩遊戲或者長時間工作時都唔會因為溫度過高而令效能降低，耐用度提高就不在話下，跟同類型摺芒手機相比，更加係遙遙領先對手，確實係唔錯嘅突破。
亮點 005: 加入雙 SIM 卡槽 工作出行更方便
以往 Samsung嘅細摺Flip機只有單卡槽，而今代 Galaxy Z Flip6 入面，Samsung 考慮到用家嘅意見，加入咗雙 SIM 卡槽，相信對於工作日常分開兩個手機號碼、或者經常會去外地需要換SIM卡嘅用家都係一個好消息！
亮點 006: 可能係最安全嘅摺機
講嘅係 Samsung Knox，呢個並唔係 Galaxy Z Flip6 嘅新功能，但卻係 Samsung Galaxy 手機獨有，而且係一個相當實用嘅功能。一直以來 Samsung 都好注重用戶私隱安全，而 Samsung Knox 更係成功達到世界各國政府以及主要企業設定嘅嚴格安全要求，得到政府機構認可，其國防級嘅安全性，絕對無庸置疑。Knox 保安平台隨晶片早已內置喺 Samsung 流動裝置入面，無論你喺邊度工作，都可以實時、全面保障你嘅私隱同信息安全。你仲可以針對自己日常使用習慣嚟自主選擇裝置嘅私隱設定，相信都會係用戶選擇 Samsung 手機嘅重要因素之一。
亮點 007: 好玩又實用嘅 AI 功能
Samsung今年著眼手機AI，同市場其他同類型摺芒手機相比，Galaxy Z Flip6 最突出之處，相信在於佢擁有相當全面嘅 AI 功能，而且善用摺機呢個form factor嚟透過Galaxy AI做到更多。市面上大部分摺機，就算講 AI 都係一啲好皮毛嘅功能，比較常見嘅不外乎用嚟執下相、幫你簡單寫下文及改下風格，但 Galaxy AI喺 Galaxy Z Flip6上面發揮到嘅效能可以話係有發揮到“真 AI”，以下會同大家列出幾個比較好玩又實用嘅 Galaxy AI 功能。A. 草圖轉圖像
小編試玩完部Z Flip6，覺得最好玩嘅一定係Sketch to Image草圖轉圖像，可以喺 Samsung Notes 入面畫公仔，然後將任何草圖極速變成一幅藝術作品，仲可以根據不同藝術風格Gen到唔同選項比你，變相人人都係藝術家，呢個功能實在係相當好玩！
草圖轉圖像嘅功能就連相片編輯入面都可以用到，只要你㨂你想要編輯嘅相片，然後選擇「草圖轉圖像」嘅圖示，用手指隨便畫你想幫相片加入嘅元素，例如想喺自拍照入面加入一頂帽、畫對兔仔耳之類，之後佢就會透過 AI，生成一張寫實、毫無違和感嘅全新相片，連戴左帽之後額頭上嘅shadow都可以gen埋出黎。呢個咁新穎嘅功能市面上暫時未有其他手機可以做到。
 |
 |
B. 相片助手
Galaxy AI 另一個實用嘅功能，就係相片助手，唔單止可以利用生成式編輯功能，隨意移動、調整大小或刪除相片中整個主題，甚至可以將原本嘅位置補返相應嘅背景。例如我本身張相入面有兩隻雀仔，一隻雀仔打開個嘴，我可以發揮創意放大縮細佢地，營造好似另一隻就快要被食嘅效果，同時 AI 亦會自動將背景加返落去，令成張相更自然。
 |
 |
另外，當中嘅即時慢動作 Instant Slow-mo 功能可以為影片製作額外分段格數，並可將生成的慢動作內容儲存，方便將更細膩嘅精彩時刻分享俾親友欣賞。呢個功能小編喺奧運期間都用唔少啊，張家朗逆轉勝時刻真係用 slow-mo 睇會再震撼啲！
C - D. 語音翻譯 / 即時翻譯
關於 Galaxy AI 嘅通訊功能方面，語音翻譯同即時翻譯都可以喺 FlexWindow 度用到，其中語音翻譯功能，配合 FlexWindow 簡直係無敵！旅行時遇到語言不通嘅情況，只要手機打開「語音翻譯」，入面有個按鍵可以畀你外屏都見到翻譯畫面，然後就咁將部手機放喺枱面上，摺疊成雙方都睇得舒服嘅角度，對方可以見到外屏幕，而你本人就對住內屏幕，按下錄音鍵講廣東話，對方嗰邊就會直接見到翻譯，調返轉對方講嘢，你嗰邊都可以見到中文翻譯，呢個功能可以打破語言隔膜，相當方便。相信近期用得呢個功能最多嘅，應該係位於奧運選手村嘅各國運動員喇，不得不說Samsung今次每個運動員都送一部Galaxy Z Flip6，又真係相當啱用。
至於即時翻譯又有乜唔同？即時翻譯就主要係打電話用，當你講電話嘅時候開咗「即時翻譯」功能，就算你同外國人傾電話，你講廣東話，AI 都會即時將佢翻譯成對方嘅語言，然後對方會即時聽到翻譯後嘅句子，咁你同日本人、韓國人、西班牙人等等傾計，都完全唔使驚！
 |
 |
E. 聊天助手
Galaxy Z Flip6 亦支持聊天助手，除左之前已經有嘅改變寫作風格功能同常用嘅翻譯之外，新加嘅Writing Composer編寫器仲可以透過簡單提示，創作以及改善你原本訊息嘅風格，令你嘅文字「功力」大大提升。
 |
 |
F. Circle to Search一圈即搜
平時當你睇緊某個網站，又或者有人 send 咗張相畀你，而你好想知道相入面某一個物品，可以喺邊度買到，只要長按 Home 鍵，就可以打開呢個功能，再將你想搜尋嘅物件圈起嚟，AI 就會自動分析嗰件物品，幫你喺互聯網上搵到相應嘅圖片以及相關網站。你仲可以用呢個功能嚟翻譯同詳盡解題添。
 |
 |
G. 筆記助手
呢個功能可以畀你將筆記甚至係PDF 檔，直接轉換成大綱，又或者如果本身篇文係英文，你可以將佢翻譯，並變成中文嘅大綱，對於想快速了解長文內容嘅用家，會相當好用。
 |
 |
H. 轉錄助手
呢個功能對於需要出外採訪，或者公司開會要錄音嘅人嚟講，亦都係非常方便嘅功能，只要打開錄音機錄製對話，然後轉錄助手就可以透過 AI 幫你將該段錄音轉換成文字並辨別返唔同嘅speaker，即係成篇講稿出返嚟，並且仲可以快速將呢段文字變成一段大綱。宜家呢個功能仲可以喺Samsung Notes入面用，不得不說，Samsung今次嘅新機的確進一步將本身Native裝喺手機入面嘅Apps組合成更流暢嘅工作流程。
小結
睇完以上 A - H 咁多個 AI 功能，都知道 Samsung Galaxy Z Flip6 喺 AI 上嘅功能相當全面，結合埋今代嘅其他改良，可以話係一部可以滿足到你日常需求嘅手機，而且又可以保障到你私隱安全嘅手機，而且外觀時尚又靚仔，可以話係匯聚左Samsung作為摺機界龍頭嘅多年研發成果，你無理由唔買佢！你話係唔係呢？資料由客戶提供