講緊嘅係豐澤產品週活動，其中 Samsung Galaxy S24 就由原價 $5,898 減價 $950，以 $4,948 呢個價格發售。雖然價錢比較坊間不算最平，不過優惠就 1 年嘅 Security 安卓防毒旗艦版軟件，仲有 45W 充電器、抗反光螢幕保護貼，價值逾 $1,105。另外如果有中銀信用卡，在優惠期內簽帳，就有最高達 $1,540 回贈。
另外，三星香港官網亦有減價活動，標價同樣係 $4,948，不過就只送 45W 充電器，但官網顏色選擇較多，有渣打信用卡高達 8% 現金回贈優惠，選擇邊度買就好睇你有邊張信用卡。另外官網仲可以輸入優惠碼 「 SHOPAPP 」，全單滿 $2,000 就額外減二百；而且有二月限定嘅加購優惠，買多款 Galaxy Watch 會減價 $600 至 $800 不等。
規格方面，三星 Galaxy S24 是全系列中最小的一部，屏幕為 6.2 吋，FHD+ 解像度。螢幕支援 1-120Hz 智慧更新率調整，並且螢幕最高亮度提升為 2600 nits。S24 採用 S8 Gen 3 for Galaxy 處理器、4000 mAh 電池，三鏡相機則有 50MP 主相機 + 12MP 超廣角 + 10MP 3X 長焦，而且其 AI 功能已相當完整，畫圈搜尋、整理文件、撮要、執相、生成圖像等都有，而且支援廣東話，無論價錢同功能在細芒旗艦中仍然出眾。
更多 Samsung Galaxy S24 介紹可以按這裡