Galaxy S4 終減價
減價代表什麼？若新機推出無耐要減價，即是定價太貴，市場唔受，要用更平價錢去吸客；當然推出一段時間後，一代新機勝舊機，價錢唔減唔得！版主相信，Samsung Galaxy S4 是前者。有留意版主們的行場消息，都知道 Galaxy S4 賣價企得好穩，尤其係行貨價錢，明減、暗減都未試過！相信因為 Note 3 要推出，$5898 這個價位，似乎要讓位 Note 3，而 Galaxy S4 的最新官方賣價，無論是 4+4 核心 3G 版本，或是 4G LTE 版本，也齊齊減三舊水，最新賣價是 $5598。雖然減了價，但 Galaxy S4 依然是同級手機中最貴的一部。S4 減價，相信最大影響是 HTC One，因為兩者差價又減回二百咁大把 (HTC One 官方賣價為 $5398)，大家又點揀好呢?
Note 3 好大機會十月前有貨
版主說 GS4 減價是 Note 3 要推出的形響，有根據的! 三星會在九月十七日在香港舉行 Note 3 發佈會。要試玩，九月第四個星期就可以來 ePrice 的體驗日。如無意外，九月廿五日賣街。係咪好快呢！版主想像，若果 Note 3 賣價是 GS4 本來的 $5898，這様 Sony Xperia Z Ultra 4G 版與 HTC Butterfly 要減價的壓力就好大了！網友，大家覺得三星會把 Note 3 賣平過六千嗎？
Galaxy S3 都減
有人說，Samsung Galaxy S4 跟 Galaxy S3 外型改變不大，反正大家都係四核心處理器 (唔計所謂 4+4 版本吧)，買 GS3 也不太過。新價又如何呢？Galaxy S3 3G 版本 $3798，4G LTE 版本 $4198，老實一句，以出了一年多的手機來說，唔算平了。S3 3G 版，4G 版跟 S4 有乜分別呢？平買好嗎？S3 用上一代的四核心理器，不是 Full HD 芒，但也是 HD SuperAMOLED 屏幕。S3 4G LTE 版有 2GB RAM，而 3G 版只有 1GB RAM。兩款手機也是 16GB ROM 及八百萬像素相機。
在文章刊出時
Samsung Galaxy S4 3G / 4G 版本，在文章列登時，賣價為 $5598 ( 䧏價 $300 )，按這裡有詳細格及最新賣價Samsung Galaxy S3 4G 版本，在文章列登時，賣價為 $4198 (䧏價 $400 ), 按這裡有詳細格及最新賣價
Samsung Galaxy S3 3G 版本，在文章列登時，賣價為 $3798 (䧏價 $400 ), 按這裡有詳細格及最新賣價
