ZTE nubia Z9 Max 詳細規格
支援頻段：FDD-LTE 頻段 Band 1 (2100)、Band 3 (1800)、Band 7 (2600)
TDD-4G LTE 頻段: Band 38 (2600 CMCC)、Band 39 (2300 CMCC)、Band 41 (2600 Unicom)、Band 40 (2300)
3G WCDMA : 850 / 900 / 1900 / 2100
3G TD-SCDMA : 1900 / 2100
3G CDMA 2000:850
2G GSM 四頻 850 / 900 / 1800 / 1900
屏幕： 5.5 吋 1920 x 1080 屏幕
處理器 : Qualcomm Snapdragon 810 2.0 GHz + 1.5GHz 八核心處理器
RAM:3GB
內置容量: 16GB (支援最大 128GB microSD 記憶卡)
鏡頭： 1600 萬像素鏡頭 、800 萬像素前鏡頭（ LED 補光燈、支援 1080p 影片拍攝）
電池量： 2900 mAh （內置式）
尺寸 : 154.8 x 76.6 x 7.9 mm
重量 : 165g
價錢：$3450
Nubia Z9 Max 開箱！一線規格中階價錢，性價比算唔算高？
今次試玩的 Nubia Z9 Max 其實同佢嘅兄弟機 Z9 Mini 同期發佈，而上月中 Z9 Mini 已早一步抵港，版主 Eddie 亦即時試玩過。同 Z9 Mini 相比， Z9 Max 的價錢雖然較高 (全網通版 $3450），但係規格就強左唔少。全網通版的 Z9 Max 除左支援「 7 模 18 頻」（即係支援 TD-LTE、FDD-LTE 、TD-SCDMA、WCDMA、GSM 以及電信的 CDMMA2000 ）同埋雙卡之外，係屏幕方面都有 5.5 吋 FHD 屏幕、 Qualcomm S810 處理器配 3GB RAM 同埋 16GB 內置容量以及支援最大 128GB SD 卡。相機方面都係 Z9 Max 的賣點之一，主鏡頭上用左 Sony IMX234 感光元件 F2.0 大光圈的 1600 萬像素鏡頭，而前鏡都有 F2.4 光圈 800 萬像素。電池方面就可能係 Z9 Max 的弱點了，因為佢只有 2900mAh 兼且不可換電，以 5.5 吋大芒手機來說算係容量較少的一部。係外型方面，有用過 Nubia 手機的朋友相信都會覺得外型係較為突出的一環，而 Nubia Z9 Max 版主就都覺得不論係外型同造功上都乎合 Z9 Max 三千五蚊呢個價位的要求。係設計上 Z9 Max 用左前後玻璃配上金屬邊框的設計，感覺有點像 Sony 的旗艦。比較抵讚的地方係 Z9 Max 並無用到大陸機好常見的 Sim 卡槽同 SD卡槽共享的設計，大家可以同時用雙卡+ SD 卡。
另外，因為 Nubia 機係香港未有正式推出，版主今次試的 Z9 Max 都係大陸水貨，不過店家就已經為手機裝上左 Google Play 服務，而版主試用時亦沒有問題，有意入手的朋友唔需要太擔心。
▲ 個人覺得以紅黑做主調的 Nubia 手機其實幾型，包括個包裝盒。
▲ 從盒底可以見到 Z9 Max 屬於甚麼版本，今次試玩的就係全網通版。盒內只有手機與 USB 充電座連線，是沒有耳機的。
▲ 黑色機背用上玻璃材質，雖然賣相不錯但對易沾上指模的用家來講就係一個惡夢。
▲ 前鏡有 800 萬像素，而 1600 萬像素的主鏡頭就有個搶眼的紅圈「框」住。
▲ 3.5mm 耳機插孔置於機頂，而手機左邊有 Sim 卡同埋 SD 卡插孔。
▲ 係厚度方面， Z9 Max 比起屏幕有 5.7 吋的 Samsung Galaxy Note 4 薄一點，但比 Note 4 長一點。
▲ 雖然係陸水，但大家入手時機內將會有 Google Play 服務。另外機底採用熱感式的 Home、Menu 與 Back 鍵。
Z9 Max 5.5 吋 FHD 大芒
現時不少大陸頂級旗艦機都已開始配備 2K 解像度屏幕（近期的例子有小米 Note ），大家可能都會問 Z9 Max 只係得 FHD 解像度會不會有點比下去呢？版主就覺得 Z9 Max 的屏幕算係有水準，更重要的一點係手機本身電量已不算強勁，配上「大食」的 S810 處理器之餘若果再加埋 2K 芒，咁電池續航力實在叫人擔心。所以用返 FHD 屏幕個人認為是明智的決定。
▲ 雖然以現在的標準來看， FHD 屏幕已不算頂級，但 Z9 Max 的 5.5 吋芒表現已算不錯，顏色亦 OK 。
▲ 係可視角度上我哋請來同是 FHD 屏幕的 HTC One M9 做個比較，可以見到而家的手機係低角度之下好少再有反白問題啦。
中階價錢玩到 S810 + 3GB 是賣點！
係效能方面，如果大家有睇過 Z9 Mini 的開箱分享相信都會發現 Z9 Mini 比起規格相近的對手係跑分成績方面係略遜的。而用上 S810 同 3GB RAM 的 Z9 Max 都預到同樣情況。係安兔兔／ Vellamo 兩個跑分軟件上的成績都稍稍略遜於規格相近的 HTC One M9 ，不過在圖像表現上， Z9 Max 係 Basemark 2.0 上就得到不錯的成績。但有一點版主要先「戴定頭盔」的，就係一開波使用 Z9 Max 時電量已經不足，約有 1x% 左右，係時間不許可的情況下版主唯有在 Z9 Max 低電量兼充緊電的情況下跑分，呢個因素也可能影響到 Z9 Max 的表現。另外，有曾用過 Nubia 手機的網友表示 Nubia 出品的手機在軟體上做得不算好，版主試用時間不長，所以都好難講到感受，但初步玩時就沒有 Lag 或者預到甚麼問題。
▲ 跑分方面 Z9 Max 分數為 46697 分，以 S810 級別來講不算出色。但大家都可以見到版主試玩時 Z9 Max 的電力係嚴重不足的，而這個問題也可能會影響到跑分的成績。大陸有網站做評測時就跑到五萬七分，大家都可作參考。
▲ 係 Vellamo 上面， Z9 Max 的成績都不算出色。（ HTC One M9 在 Vellamo 上的表現為瀏覽器 3029 、多核 1957 、金屬 1806）
▲ 不過來到 Basemark 2.0 上面， Z9 Max 的表現就相當不錯啦， 58.18FPS 算係一個不錯的成績。
▲ 比較頭痛係手機只有英文以及簡體可選，另外安裝左三個跑分 apps 後手機內約有 9.33GB 容量，所以插 SD 卡係有需要的。
相機規格出色，感光元件與 G4 同級
相機方面一樣係 Z9 Max 的主要賣點，有留意開 Nubia 手機的朋友應該都會試過相機內的「專業模式」吧！版主目前見過的手機之中， LG G4 係手動模式 (M Mode）方面係最令人滿意的，而 Z9 Max 的「專業模式」想不到都有相當接近的水準。除左可以調較的設定夠多之外亦能做到即時從屏幕看到效果。至於在相機規格上， Z9 Max 所用的係同 LG G4 一樣的 Sony IMX 234 感光元件，以及 F2.0 光圈的 1600 萬像素鏡頭，理論上表現應是不錯的。礙於時間同電量的關係，在相機方面實在試唔到好多（例如低光、夜拍都試不到），但都拍左少量相片可以作為參考。
▲ 相機係 Z9 Max 相當重要的環節，係主畫面已經多達 8 個拍攝 apps 比用家使用。拎 Z9 Max 上手試時，版主就覺得對焦速度唔錯。
總結：規格不俗定價也有吸引力，能否成為高性價比的首選？
從數字上來講， Nubia Z9 Max 係規格上已可算是旗艦級的水準，而價錢方面也屬於合理價錢。試玩時一般朋友最著重的屏幕、相機同埋硬件呢三方面版主都覺得 Z9 Max 能令大家滿意的。要數的缺點看來就係電量只得 2900mAh ，相信續航力方面不會太好。至於有不少網友用過 Nubia 手機後提到的軟件上不太穩定呢點，版主試玩時就未發現有這個問題，不過這類問題好多時需要一段時間先能夠發現嘅。唔知大家又點睇呢部 Nubia 的 Z9 Max 呢？一齊留言講講吧。
鳴謝：MrNicholas 電話：27701383