ZTE Blade V7 Lite 偷賣街，開價有驚喜?
今次想介紹的主角，就是 ZTE 的 Blade V7 Lite。相信睇到呢度，有不少網友都會爆左句：＿! 又係大陸野! 但係版主的睇法跟大家不同，我覺得不管是否 Made in China，呢個價錢，用到大部份應有的功能，有得玩 Android 6.0，外型不算太差，其實都已經不錯的了! 呢部 Blade V7 Lite 日前偷偷賣街，開價 $999，千元有找，價錢上看好抵玩，不過都要睇埋外型、效能方面如何，先能夠判斷是否值得入手。
魅族小圓點「回歸」? ZTE Blade V7 Lite 全金屬機身設計
ZTE Blade V7 Lite 機背似小米的紅米 Note 3，同樣採用了金屬設計，不過相信為了減低生產成本，所以用上了比較廉價的金屬，導致感覺跟紅米 Note 3 的一樣，都係「膠味濃」。Blade V7 Lite 的機身尺寸為 143.8 x 70.2 x
7.9mm，重量只有 135g，不算很重，並配備 5 吋 720p IPS 屏幕。Blade V7 Lite 屏幕下方的 Home 鍵，「參考」了以前魅族 的 MX 系列，採用了小圓點的設計，而屏幕的左上方，則配備了前置補光燈。
▲ ZTE Blade V7 Lite 配備了 5 吋 720p IPS 屏幕。
▲ 屏幕的上方除了配備了 800 萬像素前置鏡頭，而且仲有 LED 補光燈。如果淨係睇 spec 黎講，呢部機個前鏡規格算係唔差。
▲ 而屏幕下方...... 咦? 仲唔係以前魅族 MX 系列的小圓點 Home 鍵? 不過係變左做藍色囉! 但唔好話，改左做藍色之後，同 MX 系列相比，個感覺係唔同哂!
▲ 機背部份採用了金屬設計，不過唔知大家有無覺得，佢個機背好似紅米 Note 3? 而且所用的金屬都係一樣，充滿着濃濃的膠感。
▲ 機背上方配備了 1300 萬像素的主鏡頭，同樣都係配有閃光燈，而鏡頭下方則設有指紋辨識器。
▲ 至於機背下方，除左可以見到 ZTE 的字樣之外，仲會見到佢係用上了雙喇叭設計。
▲ 機的左側會有音量鍵。
▲ 而右側則有開關鍵以及 SIM / SD 卡槽。
▲ ZTE Blade V7 Lite 支持雙卡雙待功能，可惜的是，佢嘅雙卡槽都係用上了「弧寒式」二選一設計，一係就雙 Nano SIM，一係就 Nano SIM + microSD 卡。
▲ 至於機的頂部，會有 3.5mm 耳機孔。
▲ 而底部則有 microUSB 插槽。
▲ ZTE Blade V7 Lite 機身重量為 135g，並不是很重，而且單手操控亦算方便。
低階配置，性能跑分意料之內?
ZTE 呢部 Blade V7 Lite 的外型賣相可以接受，那性能方面又如何呢? ZTE Blade V7 Lite 配備了 MTK MT6735P 1.0GHz 四核心處理器，內置 2GB RAM 以及 16GB ROM，並運行 Android 6.0 作業系統。版主利用了一系列的跑分軟件進行測試，當中包括安兔兔、Basemark ES2.0 Taiji Free 以及 Vellamo，而 Blade V7 Lite 最終安兔兔得出的跑分為 23569 分，畢竟是一部低階機，而且用上四核心 MTK U，得出這個成績，實是意料之內。
▲ AnTuTu 跑分為 23569 分，用上 MTK MT6735P 四核心處理器，呢個成績算在意料之內。內存方面，ZTE Blade V7 Lite 配備了 2GB RAM 以及 16GB ROM，屬於低階的配置，並運行 Android 6.0 作業系統。
▲ Basemark ES 2.0 是用來測試手機運作 3D 遊戲嘅效能，得出 21.1fps 的成績，代表用 Blade V7 Lite 玩 3D 遊戲未必能夠流暢，所以呢部機本身就唔係俾你用來打機，當然如果真係要打的話，玩番啲需求無咁高的遊戲亦是可以。
▲ Vellamo 跑分分為Chrome 瀏覽器、多核與金屬。Chrome 瀏覽器代表用 Chorme 上網嘅流暢度，而多核、金屬則用來測試手機整體效能，多核是多核心 CPU 運作情況。ZTE Blade V7 Lite 三個成績都屬一般至中下，相比 Samsung Galaxy Nexus 略佳。
$999 偶爾出街影下相，相片質素又點呢?
剛才的跑分測試可能會令大家失望，或者正確來說，本來就無希望過，所以不會失望。但係，百元機貨仔，要求一定唔能夠高，尤其是係一部低階機，跑出以上的成績，實是意料之中，非常合理。所以，呢啲低階機，從來都唔係 sell 打機有幾好，配置有幾好。然而，版主覺得，呢部機除左可以用來一般 whatsapp、Facebook、上下網之外，當佢係一部相機仔影下相，都未必話好差。ZTE Blade V7 Lite 配備了 1300 萬像素的主鏡頭以及 800 萬像素的前置鏡頭，內有自動模式以及專業模式，其專業模式除了可以調整白平衡、快門等之外，還有一個功能，可以減低用家影相影歪的機會。不過，外行人用手機影相，真係未必會識得用專業模式拍攝，所以以下的試相，將會全部用自動模式拍攝，讓大家可以了解佢自動模式影出黎的質素係點。
▲ 在專業模式下，你會見到有條對稱軸，可以讓用家知道，到底自己影相的時候手機有無歪。
室外拍攝
▲ 先睇左上面呢兩幅先，版主在拍攝這兩張相片時，開始有少許雨，不過天還算亮。而 ZTE Blade V7 Lite 的相機有不少手機都存在的問題，就是「油畫化」，當你放大黎睇的話，就會見到油畫化的情況。另外，從右圖中我們可以看到，雖然已經是近攝，但也許是受到「油畫化」的影響，相片的細緻度並不算高。
▲ 天色相當昏暗，版主發現，這部手機能夠還原現場色彩，保留真實的色調。除了油畫化之外，這部手機的相機質素尚算合格。
室內拍攝
▲ 雖然室內環境比較暗，但影出黎都尚算清晰。
▲ 從左面的相片中，如果你留意一下右排的文字，就會更清楚地看到，出來的成像唔夠實，細緻度差左少少。
小結
試用完部 ZTE Blade V7 Lite 之後，版主覺得呢部機對得住呢個價錢有餘。一千蚊有找，你仲想要有幾好質素的手機呢? 然而，呢部手機雖然 CPU、GPU 等方面的效能不算太好，但如果唔係用黎打機，純粹上下網 send 下 whatsapp，版主覺得都可以接受，而且影相方面亦不算太差，雖然放大來看可能會少許油畫化的問題，而且細緻度並不算太高，但對於普通用家來說，有幾多個真係會影完張相，放到最大去睇個 detail? 相信應該唔會個個都咁做。$999 的 Blade V7 Lite，真係合格有餘，仲有得玩 Android 6.0，而且仲要係行貨機，要求唔太高的用家，都值得入部做後備機嘅。唔知網友又點睇呢?
ZTE Blade V7 Lite 係文章刊登時，行貨賣價為 ＄999，按這裡有詳細規格及最新賣價。
產品提供及鳴謝：鵬勃電子科技
