好多時候豐澤搞特賣場，版主都會第一時間走去現場，一方面為自己睇下有無有需要的陳列產品，而另一方面則希望最快將現場減價產品的消息，公告俾網友知，等網友唔使特登出到去排隊，點知原來根本無嘢合自己心水，咁就浪廢時間。而可能有些產品，特賣場清唔哂，可以點？豐澤就搞啲新意，推出「開心星期五」優惠，每逢星期五更新，並會持續一星期。
今次清貨，優惠手機並唔係話好多，得果 5 部，其中一部仲要已經賣哂，即係無用。不過，當中有部只係賣 $600，雖然只係 Android 6.0，但買來做 Pocket Wi-Fi 都抵~ (版主 Keith 講笑說買黎掟都得~ 當然正常梗係唔會用來掟
)。講緊嘅係 ZTE Blaze V7 Lite，講 specs 就真係超級低階，得 P10 處理器，而且仲要得 2GB + 16GB，不過做部後備到唔後備的蛋，$600 都應該俾得起嘅。除咗 Blaze V7 Lite，ZTE 減價產品仲有 V7 Max，同樣係配備 P10 處理器，有 3GB + 32GB，而且都有 3000mAh 電池，網友會幫手清嗎？
▲ 今次清的除左 ZTE 兩部機之外，Alcatel A5 LED 同 POP 4 6" 都是清貨手機之一。按上圖或按這裡，了解詳情。