6 吋大屏幕 + 4G LTE ！ Alactel OneTouch Pop S9 開箱試玩
講起 6 吋屏幕的 4G LTE 入門四核手機，講真市面上選擇唔多，可能因為普遍都止步在 5.5 吋屏幕吧？而今次版主開箱的 Alcatel OneTouch Pop S9 就之前同大家講過，定價 $1,999 的它跟同類機款價錢差不多，它採用了 6 吋 720 x 1280 解像度屏幕、Qualcomm S400 1.2GHz 四核心處理器、1GB RAM ，內置 8GB 容量並可以外置插卡，相機方面是 800 萬像素主鏡頭與 200 萬像素前鏡頭的組合，可以拍攝 1080p 全高清影片，內置電池量 3400mAh，睇規格都知道賣點係大電池同埋 6 吋大芒。版主今次選擇係公園開箱，老實講係室外佢亮度同對比都算出色，可以清楚睇到屏幕，版主在下午茶時段睇片、上網都夠清楚，邊框算不上特別窄，不過上手的感覺還算不錯，而手機亦有分割屏幕功能，可以一邊上 Facebook 一邊睇片，用盡 6 吋大屏幕優勢。同時佢係支援到 4G LTE 的 1800MHz 和 2600MHz 頻段
▲Alcatel OneTouch Pop S9 在室外的亮度算不錯，陽光下都可以清楚睇片上網
▲手機可以拆殼和外置插卡，但不設換電功能
▲電源和音量鍵在機身右手邊，手機採用圓弧式設計
▲機底有 USB 連接埠，而 3.5mm 耳機孔在機頂
▲6 吋 720p 屏幕有 244PPI ，大家可以參考一下屏幕銳利度
▲可以分割的屏幕的 Apps 有這些，都算實用
▲可以割開兩邊屏幕用，一邊上 Facebok 一邊上 Youtube 也是可能的
夠睇高清片！Alcatel OneTouch Pop S9 四核跑分測試！
講到效能方面 Alcatel OneTouch 採用的是 Qualcomm S400 1.2GHz 四核處理器配合 1GB RAM ，在這個年代算是入門的規格。版主試過安兔兔跑分有 18,000 分左右，不算太出色。而實際使用上面這顆四核心處理器用來上網、睇 Facebook 和睇片都有一定流暢度，而配合上 3400mAh 電池亦有著不錯的續航力，版主在試機之前是連續看了 3 個小時 Youtube 才把電池用完，就算出街用也可以用到一天的份量。下面有些跑分參數可以給大家參考：
▲安兔兔的分數有 18,000 分，跟 Zenfone 5 LTE 差不多，是 S400 中合理的分數；Quadrant Standard 入面分數有 8200 分，在同級手機中是比較遜色的一部；而 Vellamo 的 HTML 5 硬件、多核跑分，都跟紅米 Note 4G 等入門大屏幕手機同一等級。
▲Basemark 2.0 的測試中只有 28fps 這個分數，不算太出色，也不適合玩 3D 遊戲
版主小結：4G + 6 吋大屏幕！Alcatel OneTouch Pop S9 勝在大電量
版主開箱試玩這部 Alcatel OneTouch Pop S9 ，也用它在下午茶時間看了一陣子 Youtube ，感覺上追部機採用的 IPS 屏幕真的不錯，不會太反光之餘亦有不錯的亮度，在室外用也算不錯，而它的 3400mAh 電池亦提供了不錯的續航力。當然，要說的就是它的效能只是入門級數，要用來玩大型遊戲可能就會有點力不從心了。在市場上面入門手機的確很大，但要數到 6 吋配合 4G LTE 的機款真的選擇較少，大家又會唔會考慮一下呢部 Alactel OneTouch Pop S9 呢？留言講講吧！
在文章發佈的時侯， Alcatel OneTouch Pop S9 定價 $1,999 ，按此看詳細規格和最新賣價。
