配備賣大包，手感也不錯
今日 YK 試玩嘅 Alcatel OneTouch idol 3 是一部唔多覺眼嘅手機，但他有一個不錯嘅規格與配備。idol 3 有 5.5 吋 Full HD IPS 材質嘅大芒，配備 4G FD-LTE 雙卡雙待。idol 3 用上 Qualcomm S615 64bit 八核心處理器，並非部分網友嫌棄的 MTK 同埋鑊氣 Intel X86。配備 32GB ROM，前鏡頭廣角 800 萬像素，主鏡頭係 Sony IMX214 感光元件 1300 萬像素相機，跟 HTC Desire Eye 與 B2 同感。最正當然係有 JBL 調教加持既前置雙喇叭，跟機亦有 JBL 耳機，而電量有 2910mAh。賣價 $1999，比起 Zenfone 2 32GB 平少少，不過，idol 3 就只有 2GB RAM，Zenfone 2 香港版嘅 32GB 版本就係好屈機嘅 4GB RAM。外型簡約、正面無印
我快速玩一陣，第一評價係：正啦喂！我係地鐵車廂內差 D 叫出黎。idol 3 平衡設計既外型好靚仔，上手感覺一流，好有 Nexus 4 放大版既 Feel。毫無廉價塑膠感，雙喇叭佔用面積少，邊框叫做窄，5.5 吋屏幕的機身，我都也可以一手輕易操控。關於更多手感與外型，下面的有圖有真相。
▲ 開箱啦，個箱就係同部 idol 3 差唔多大小。個人認為如此外觀非常靚仔
，雖然 idol 3 以沉實黑色為主，但背部有發絲處理，同時邊框有金屬銀塗層處理，令手機質感大為提升。上手感覺輕巧細小，5.5 吋的機身手感黎講叫細。握感實在穩重，邊框感覺上有防滑處理，摸落去舒服不滑手，造工揸落並無虛位。
▲ idol 3 的前置雙喇叭是 JBL 調教，讓我意外的是，竟然隨盒附送 JBL 耳機。我短暫試聽後認為，質素大大拋離大部分手機的隨機附送耳機。跟機仲有送個芒貼添 。
▲ idol 3 機身上下各有一條喇叭孔，外觀上不算突出，不細心察看的不會留意到。
▲ 機身頂部少不了 3.5 mm 的耳機插口，還有一個收音孔。其實機底有 micro-usb 接口外，還有另外一個收音孔。idol 3 特別設計，手機的操作方向可以不分上下，不論是向上或者向下，都有接聽電話的內放喇叭和語音收音孔。
▲ 機身左方是電源鍵和卡槽，兩個卡槽是 Micro-SIM。只有 SIM 1 才支援 4G、3G、2G，SIM 2 只有 2G，，相知道有關頻段，可參考我地嘅手機介紹。不過，idol 3 無法透過軟件切換 4G 與 2G 的 SIM 卡槽，有點不方便。右邊就是音量鍵。按鍵反饋清楚有力，擺放位置剛剛好可以用大拇指操作。
輕薄靚芒 對比 Zenfone 2
前文講過，以 Alcatel OneTouch idol 3 嘅定價，擺明挑機 Zenfone 2。下面會有簡單的對比圖，對手係 Zenfone 2，係呢一 Round，我打算先以屏幕與厚度作比拼。大家會發現 Idol 3 不論在屏幕亮麗度，或者機身的輕薄度，表現皆比 Zenfone 2 優秀和輕巧。
▲ 大家都係 5.5 吋屏幕，但 idol 3 (左) 比起 ZF2 (右) 來得細部 D，
▲ 可能 4GB RAM 把所有衝 ZF2 (左) 的網友，都忘記了，ZF2 (右) 厚度有 10.2mm 架，對手 idol 3 只有 7.4mm。重量方面，ZF2 原來有 170g，但 idol 3 只有 141g。係 ZF2 重份量，定係 idol 3 夠輕薄呢?
▲ 芒比芒，把 idol 3 (左) 與 ZF2 (右) 都調至最光，並以不調教屏幕色調的況情況下，idol 3 的光度，與實際白色亦比較大，ZF2 屏幕是略為偏藍 (實際 ZF2 沒有相片裡面這麼藍的)。以大家都係用 IPS 屏幕，側面可視角度也是不錯。
▲ 真相比拼，下方的 idol 3 在同樣 5.5 吋 Full HD 屏幕下，相片細緻度都要比 ZF2 好。
跑分速遞
Alcatel OneTouch S615 處理器，八核心 1.5GHz 速度，並支援 64bit。留意的是，它的速度跟 HTC Desire 826 與小米 4i 使用 S615 1.7GHz 慢了一點，所以影響到了跑分成績，會比小米 4i 略差，綜合的各項跑分結果來看， 用上高通 S615 處理器的 idol 3，性能測試結果符合預期。不過， Zenfone 2 使用 Intel CPU，係跑分嘅結果也好上萬分 (以 AnTuTu 來講)，。雖然跑分成績如此，但整個試用體驗中， Idol 3 不論是玩小遊戲，瀏覽網頁，跑 App 等都是流暢，並無明顯的滯後感。特別講講，好多網友都會話，Alcatel 即係大陸的 TCL，但 idol 3 其實用上近乎 Stock 的 Android 5.0 介面，沒有太多的添加，有 App Drawer，比起華為、中興、小米、魅族等自家 UI，都要好用。而留意 ZF2 Intel CPU 有 App 相衝的問題，ZF2 不兼容 Instagram 要反安裝 Google 為 App 已設的 Webviewer App 更新，才是好笑呢。
▲ 安兔兔跑分結果：32182 分，分數介乎 S600 和 S800 處理器之間的水平。不過跟小米 4i 的三萬七分相比，有幾千分的落差，但別忘記小米 4i 只是 5 吋屏幕手機，而 idol 3 是 5.5 吋，加上 Idol 3 只是 1.5GHz。大家也可以看到開機運行日常 App 後，空閒記憶體多達 868 MB，足夠應付一般日常用途。
▲ 至於 Basemark ES 2.0 Taiji 跑分結果： 37.93 fps 。這是屬於 S615 處理器的正常得分，一些對圖像有很高要求既遊戲未必可以順暢玩到，因為在滿分是 60 fps ( 任何遊戲都流暢 KO ) 的機制下，Idol 3 的得分只是 37.93fps，單看分數表現實在不太理想。
▲ 至於 Vellamo 瀏覽器跑分結果：1666 分。在 Chrome 瀏覽器測試裡，得分算是低分。因為如此分數連 Moto G 都快要追上了，甚至被 Nexus 4 這個老爺機大幅拋離。而 Vellamo 多核心跑分結果：1303 分，同樣分數不理想，得分比 Nexus 5 和 Nexus 7 還要低。最後一項 Vellamo 金屬跑分結果：1053 分。 比 S600 處理器好，但還是追不上 S800 的水平。
1300 萬像素鏡頭有驚喜！
低階手機一向給人印象是相機不太好，所以當出現主打相機既低階手機，如 Zenfone 2 都會成為網友熱話。 這部 idol 3 的相機表現很有驚喜。它採用 Sony IMX214 感光元件，能拍到千三萬像素相。idol 3 除了對焦速度快，拍得住旗艦機，畫質都明顯有問鼎高階機既實力。另一個吸引既地方係，竟然有手動模式！ 呢類野通常出現係高階手機身上，但 idol 3 都可以搵到，自行調教 ISO、快門、對焦距離和白平衝，甚至你可以玩到光圈先決與快門先決，非常厲害！網友們不妨看看 idol 3 的相片品質。
▲ 機身後方是 1300 萬像素，採用 IMX214 模組。要知道這是 HTC Desire Eye 等旗艦機亦採用的相機模組，效果亦有驚喜，後面會有試相。
▲ 夜晚的旺角，idol 3 相片在暗光環境下成像令我好滿意，同樣的感光元件模組過往被採用於旗艦型號手機上，來到 idol 3 自然也同樣交出相當好的畫質表現，我完全收曬貨！
▲ 相機內置各種模式，其中手動模式更是鮮有配備在低階手機，相機的功能和表現讓我對 idol 3 大大加分。
上手總結：
面對一眾同樣高性價比既對手，我對 Alcatel OneTouch idol 3 的評價非常高，一部極具質感的高性價比手機。Zenfone 2 的 x86 兼容度問題和厚重的機身；小米 4i 只有 16 GB 和 5 吋屏幕； M2 Note 需時適應的操作介面。 每部都有我難以接受的缺點，反觀這部 Idol 3 規格安排比較理想。
各位網友，云云性價比機海中，呢部 Idol 3 又能否成功吸引你注意呢？你又覺得佢有有無壓倒其他對手既實力呢？歡迎留言分享你既睇法啦！
Alcatel OneTouch idol 3 於文章發表時，定價為 $1999，按這裡有更詳細規格與最新賣價。
