▲講起 Nokia Lumia 630 ，唔少網友討論過它的規格，版主都睇過些留言。採用 4.5 吋 854 x 480 解像度屏幕、Qualcomm S400 1.2GHz 四核心的它和入門級的 Android 手機相若，不過只有 512MB RAM ，內置容量只有 8GB ，鏡頭方面只有 500 萬像素主鏡頭並沒有前鏡頭，亦沒有補光燈，對於大家來說這個規格不算很出色吧？
入門級四核 WP8.1 手機 Lumia 630 ！上市減 $200 促銷？
唔知而家仲有幾多網友係玩 Windows Phone ，版主 Eddie 手上的 Lumia 920 其實一直 Keep 住更新，升到 WP8.1 之後 有番 Notification Center 同埋速成之後變得更加好用，加上 Apps 都算齊全，即使係舊一代既雙核手機亦唔會比現在的旗艦慢好多，這個系統的確係可取的。而今次跌價的 Lumia 630 ，其實就只有衛訊一間鋪用現金價即減 $200 （即賣 $1,488) 去吸客，如果去百老匯等其他大鋪仍然賣 $1,698 。網友們要留意的是 $1,488 這個優惠不適用於手機 Trade-in 或者其他優惠）對了，店員有提到因為「環保」所以這部機是沒有跟耳機和 USB 線（有充電器，但係分離唔到做 USB 線），見到 Nokia 真係好支持環保
。係咪因為要平賣 $200 所以唔跟這些基本的配件？版主問過接近 5 間鋪都確認 Lumia 630 是沒有耳機和獨立 USB 線。奇怪的就是版主 Keith 之前開箱的 Nokia X 都有跟一個平價耳機， Nokia 係咪認為 WP 更加「環保」所以決定等用家自備呢？網友又點睇 Nokia 呢個做法呢？留言講下睇法吧！
▲之前版主 Keith 也用過 Lumia 525 一段短日子，寫了七日分享談，大家入手之前可以參考。入門 WP Lumia 525 最近亦進行小減價，由原本的 $1,388 減到 $1,288 ，減幅不算很大。
Nokia Lumia 630 在文章刊登時，定價 $1,688 ，按這裡有規格及最新報價。
Nokia Lumia 525 在文章刊登時，定價 $1,288 ，按這裡有規格及最新報價。
