戴頭盔：「 以下演示僅供參考，如果任何人士之手機因為參考下文而出現任何問題，除了機主本人外，沒有任何人需要為此負上任何責任。」
留意目前支援的型號
雖然安裝 APK 呢個功能好吸引，但唔係部部 WP 都做到，首先，你要參加左「Windows 測試人員計劃」成為1開發者，並願意係你部 Lumia / Windows 10 運行仲未係 Final 版本嘅 Windows 10。以下是建議使用的手機型號清單：
Nokia Lumia 920
Nokia Lumia 925
Nokia Lumia 929 ( Icon )
Nokia Lumia 830
Nokia Lumia 930
Nokia Lumia 1520
Nokia Lumia 635 ( 1GB RAM )
Nokia Lumia 730
Nokia Lumia 820
Nokia Lumia 435
Nokia Lumia 928
前期功夫
雖然話個工具可以三步就安裝到 Android APK，但有事前功夫係需要做既！ 目前 Windows Phone 正式版去到 8.1，但呢個工具要一部安裝左 Windows 10 Mobile 既智能手機。現階段只有加入「Windows 測試人員計劃」的手機才能取得並安裝 Windows 10 Mobile 系統。
▲ 加入辦法：去「市集」下載「Windows 測試人員計劃」app，跟隨指示操作並更新成為最新 Windows 10 Mobile 系統。需要注意的是這個計劃雖然屬於免費參加，但參加後會失去行貨保養。
▲ 小弟身上的 Nokia Lumia 1520 已經做曬以上手續，玩得 APK 啦！
三步搞掂安裝
另外，你收山手上必須有一部運行 Windows 系統的電腦，還有一條數據線，然後到這個外國論壇帖子，並下載並安裝 APKTOW10M 工具。完成所有安裝後打開工具，你會看到下面左或者右界面，語言不同但功能無區別：
▲ 小弟下載了左邊西班牙文界面的 APKTOW10M，唯有對照英文界面進行操作，跟 Steps 就得架啦！
成功安裝啦！
話咁快就安裝好幾個我想用的 Android 應用程式落 Lumia 1520，呢批 Android App 被安裝在 Windows 10 Mobile 系統內，安裝過程很快，跟平常安裝 App 差不多，我也只是用了不到一分鐘就完成安裝幾個 APK 檔案。我安裝了幾個 APK，當然不是每個都順利運行。
▲ 會好似平時原生 App 咁，收藏在所有程式裡面；右邊就是運行 Android 版本的安兔兔跑分軟件。
▲ 手上的 Lumia 1520 採用 S800 處理器，安兔兔得分有 29494 分，但這個不是重點。
▲ 重點在於安兔兔識別 Android 4.4.4 32bit 系統，而且無法正確識別出手機型號；而 2GB RAM 的 Lumia 1520 也只能顯示出 1006 MB 記憶體，我估計是運行模擬程序需要撥出特定容量的記憶體。
▲ 八達通官方 App 就無法運行。Lumia 1520 設有 NFC 功能，但似乎利用 APKTOW10M 安裝 APK 暫時不支援 NFC 硬件。
▲ 我最愛的 datHKG，因為沒有 WP 版本，所以我也找來 APK 檔案作移植。結果當然成功，圖都睇到，廣告都出到。。。
實測投注用到馬會 App！
好多朋友話因為 Windows Phone 用唔到馬會 App，所以絕對唔會轉會。今次呢個工具最正既地方，係馬會 App 成功運作，終於可以接受 WP 用 App 黎投注啦！ 不過提醒大家：賭博要有節制、切勿沉迷賭博、適可而止、時刻自律。。。
▲ 入到熟悉的界面，左馬中波右六合，統統都翻曬黎啦！
▲ 老規矩，選擇號碼後會叫你登入，跟住搞一輪正常程序，少不了叫你同意戴頭盔條款。
▲ 就係咁簡單，我等住大叫一聲「多謝馬會」！
呢個工具既成熟程度非常高，估計在 Windows 10 Mobile 正式版推出時候，已經會有更高的完成度，甚至內置正式版工具！ 網友們，如果 Windows Phone 可以無痛安裝 Android APK 檔案，又能否吸引你使用呢？
工具來源：Microsoft Insider