5.3 吋不是問題！鋁金屬機身、硬淨，手感唔錯！
外型來說 Nokia 8 並不算是特別究出，但算是一部可以一眼辨認得出的手機。Nokia 8 香港推出有兩種顏色，分別為緞面藍以及鋼鐵灰，而版主個人覺得，呢兩種顏色都很不錯，總比外國賣果種土豪金美觀得多。Nokia 點貼牌都好，佢始終都是 Nokia，在手機造工上有一定的質素，拎上手係有份量的，不會給人一種脆弱、一啪就爛的感覺，但與此同時 Nokia 8 厚度只有 7.9mm，都算係幾薄的。對於不少網友來說，呢部 Nokia 8 最大的弱點是只有 5.3 吋，嫌唔夠大，但對版主黎講就剛剛好，相當適合手細的我，手感幾好。另外，Nokia 8 會支持 IP54 防塵防水功能。
▲ 呢個係 Nokia 8 的包裝盒，見到中間位置會有層膠紙。
▲ 拆開膠紙，你會見到隨機會額外送個透明保護殼。
▲ 包裝盒背面會見到有 Nokia 8 的基本配置資料。
▲ 開箱！隨機會附有充電器、SIM 卡針、說明書、USB 線以及耳機。
▲ 充電火牛最高輸出為 5V / 2.5A，即 total 12.5W 輸出功率。
▲ Nokia 8 配備了 5.3 吋 2K 屏幕。
▲ 前置鏡頭有 1300 萬像素。
▲ 而屏幕下方則有隱藏的返回鍵以及多工鍵，中間有支持指紋辨識的主頁鍵 (無得按下去的)。
▲ Nokia 8 用上了鋁金屬材質，機背中央位置會見到 Nokia 的字樣。
▲ 另外會有 1300 萬像素 + 1300 萬像素的直向雙鏡頭，在鏡頭同閃光燈之間，會見到有「ZEISS」的字樣。
▲ 機身右側音量鍵以及開關鍵。
▲ 而左側則有三選二 SIM 卡插槽。
▲ 機頂保留了 3.5mm 耳機孔。
▲ 而機底則有 USB Type-C 插槽以及喇叭位置～
▲ Nokia 8 俾我感覺係幾硬淨，同 Nokia 給人的一貫形象匹配。另外，對於手細的版主來說，5.3 吋手機手感相當不錯。
四千一蚊但交足功課！S835 + 4GB / 64GB Nokia 8 跑分
Nokia 8 配備了目前仲係最強的 Qualcomm S835 處理器，內置 4GB RAM 以及 64GB ROM，雖然係就係沒有 6GB RAM，但平心而論，6GB 真係咁重要嗎？你，真係用得盡 6GB 嗎？而且以 $4088 呢個價錢來說，你真係可以要求咁多嗎？至於效能方面，版主極速在現場跑了個分，安兔兔得出的結果是 174642 分，在 S835 旗艦手機來說，這個成績可以說是相當不錯，當中在 3D 以及 UX 方面都很好，用落整體上都相當順暢，是我近期比較有期待的一部手機。有關相機部份，版主會另有文章測試，就外型同性能來說，網友覺得是否可以接受呢？
▲ 安兔兔跑分結果為 174642，當中 3D 成績非常不錯，有 70481 幾高分，而 UX 效能成績則有 54427，以 S835 處理器來說，Nokia 8 成績很好。
Nokia 8 在文章發表時，將於 9 月 14 日上市，賣價為 $4088，按這裡有詳細規格及最新賣價。
