根據官方嘅新聞稿，Nokia 6.1 Plus 嘅建議零售價， 同版主尋日爆嘅一樣，都係賣 $2288，有藍、白兩種顏色選擇，今日起正式接受預訂，將於 7 月 24 日正式在各大零售商有售。 呢個價錢玩到 S636 處理器， 唔計紅米佢已經算係最抵玩。香港版只內置 4GB RAM 以及 64GB ROM (竟然無 6GB RAM！！！）， 而且用上雙鏡頭設計，兩個鏡頭分別為 1600 萬像素以及 500 萬像素，並支持 AI 拍攝，而前置鏡頭則為 1600 萬像素。 續航能力方面，Nokia 6.1 Plus 內置 3060mAh 電池，並會運行原生 Android 系統。
基本嘅規格同大陸版嘅 Nokia X6 大致一樣， 但大部分網友都關心一個問題，就係國際版有冇支持 NFC。 原本版主仲抱有期望，Nokia 6.1 有 NFC，咁 Nokia 應該都會喺國際版加返 NFC 落去，但原來版主高估咗佢，答案係無 NFC 的。如果係咁嘅話，又似乎好難對紅米 Note 5 造成威脅。網友又點睇呢？
Nokia 6.1 Plus 在文章發表時，大舖賣價為 $2288，按這裡有詳細規格及最新賣價。
