Nokia S710 手機大舖劈價！二千幾蚊買到，買佢定 vivo？

左定坤 (Cho Ting Kwan) 2019-03-16 17:29 | Nokia

早前版主就提到，vivo 在香港推出了首部用上 S675 處理器的中階手機，不過賣到成三千五，網友紛紛都說：貴！點解會覺得貴？因為好多網友都係睇粒處理器決定一切，S675 唔係好得 S710 好多，但事實上部 vivo V15 Pro 之所以賣三千幾，唔係因為粒 CPU，而係佢又有升降鏡頭，又有 32MP 自拍相機，仲有三個主鏡頭，呢啲都係令到價格上調的原因。不過，如果網友想平平地買部中階機，對相機唔係有太大要求，最近 Nokia 又有減價，啱你心水嗎？



說的是 Nokia 8.1，最近大舖將呢部 Nokia 中階手機減價，由原價的 $3388 減至 $2798，以性價比雖然不及魅族 X8，但都算係一個頗有競爭力的價位。Nokia 8.1 除咗有 6.18 吋 IPS 芒，高屏佔比，而且硬件上亦配備 S710 處理器，內置 4GB RAM 以及 64GB ROM，支持 microSD 擴充，並內置 3500mAh 電池。



而至於相機部份，Nokia 8.1 用上了蔡司認證雙主鏡頭，由 12MP、F1.8、1.4um 並支援 OIS 和 DualPixel 對焦的主鏡頭，以及 13MP 的副鏡頭所組成。前相機則是 20MP、F2.0，支援 4 合 1 像素合併技術可讓感光度增强 4 倍。另外，Nokia 8.1 之所以有吸引力，其中一個原因還是因為佢係用上  Android One 系統，並且有 3.5mm 耳機孔。

Nokia 8.1 在文章發表時，大舖賣價為 $2798，按這裡有詳細規格及最新賣價。