▲ 候補的 Nokia 7.2 上手短評！
開箱啦！
呢部 Nokia 7.2 其實未發佈之前，HMD Global 就已經動作多多，放晒風話係一部主打攝影的相機。 上一部 Nokia 9 Pureview 算是一部專業向的玩味機，皆因你唔識 Tune Raw 就得不到好相片。呢次 Nokia 7.2 係一部中階規格手機，而且賣價都只是兩千中。
▲ 標準 Nokia 風格的包裝：兩隻右手； 左下角認明正身係 Nokia 7.2，而右下角寫 Android One 代表緊密的系統更新。
▲ 大大個 3 字唔係三年保養，而係代表 Nokia 7.2 能夠獲得最高 3 年的系統更新支援。
▲ 盒後寫了幾個重大賣點，包括鏡頭、屏幕、Google 助理等。
▲ 開箱！ 一黑一白，寫住 Google Assistant 代表 Nokia 7.2 含有一個獨立按鍵，一按就啟動 Google 助理功能。
▲ 隨機附送的兩本說明書，一個火牛、3.5mm 耳機和 USB-C 數據充電線。
▲ 耳機並非一般的耳道式耳機，呢種耳機隔音比較差，但能夠允許長時間佩戴的舒適度，本 YK 個人比較喜歡呢種。
▲ 火牛都有快充！ 嘿嘿， QC 1.0 好似係，5V / 2A 的速度。
真機握感爽！
個人十分欣賞舊 Nokia 時代玩膠的功能，早期 Lumia 的硬膠令我愛不釋手。今次 Nokia 7.2 終於有翻呢個感覺：官方聲稱 Nokia 7.2 複合材料的外殼比普通塑膠強一倍，重量只是鋁的一半，配以金屬邊框，揸上手真心爽。
▲ 背部的鏡頭吸睛外，也有指紋識別器； 背部磨砂玻璃的設計帶來冰冷的觸感，機身屏幕和機背都是採用大猩猩 2.5D 微曲玻璃。
▲ 突出的三鏡頭設計，自然也帶來凸出的體驗，所以手機背部是無法貼平放在檯面（後面會有實拍相片分享）。
▲ 寫住 HMD Global 設計，偉大的中國製造，系統是 Android One 加持；個機背摸落去沙沙聲，真係爽死人。
▲ 機身頂部保留了 3.5mm 耳機孔，也有一個收音孔。
▲ 機身底部有另一個收音孔，用作收錄環迴立體聲；另有外放喇叭及 USB-C 接口。
▲ 機身右側是音量鍵和電源鍵；特別之處是電源鍵凹下去的一行是信號燈，充電或有收到信息時候，一條指示燈就會亮起，這個設計很特別。
▲ 左側是卡槽和 Google 助理召喚鍵。
▲ 係真三卡！ 真三卡！ 真三卡！ 有雙 Nano-SIM卡以及記憶卡（最高支持 512GB）擴充需求的朋友，Nokia 7.2 能夠滿足你三卡願望。
▲ 獨家的 PureDisplay Full HD+ 的 6.3 吋水滴屏（不是閃屏 OLED 大大加分！），能夠透過 Pixelworks 處理器將所有 AV 內容提升變成 HDR 品質~
▲ 部分界面會自動隱藏額頭：隱藏後水滴額正面睇都唔太覺眼；側面睇落去就明顯；
▲ 暫時 Nokia 7.2 無法全時隱藏水滴額，希望後續更新可以加入。
▲ 前鏡頭高達 2000 萬像素，支持 4 合 1 像素合成技術，原廠相機 App 預設有美顏模式。
性能跑分結果！
Nokia 7.2 規格屬中高階，採用高通 S660 處理器，配備 6GB RAM + 128GB ROM，並內建 3500mAh 電量。 到底性能如何？ 以下有跑分結果比大家參考：
▲ 八核心的 S660 的配置其實跟 Nokia 7 Plus 一樣，如果不打機的話，增加 ROM 和 RAM 容量比較實際。
▲ 安兔兔測試總分是 132228 分，屬於正常 S660 的水平。
▲ 至於 Androbench 的測試結果：明顯不是 UFS 制式 ROM，需要留意隨機讀寫速度只有 13.39MB/s，對比旗艦機過百的速度，確實遜色一籌。
▲ 而電力續航測試方面，Geekbench 4 續航測試中 Nokia 7.2 獲得 4410 分； 續航不算特別長久，詳情請對比其他機型測試結果。
蔡司三鏡頭實測！
最吸引的莫過於 ZEISS Optics 三鏡頭；4800 萬像素 1/2 吋感光元件，800 萬像素 118 度超廣角鏡頭，以及一個 500 萬像素景深鏡頭，但要留意 Nokia 7.2 並沒有 OIS 光學防震。 相機預設是 1200 萬像素，亦支持 RAW 拍攝。下面實拍除非特別指明，否則都是預設設定，如自動 HDR + 自動場景偵測。
▲ 貪心少少：如果 Nokia 7.2 的三鏡頭係廣角、標準、長焦，咁就更好喇~
▲ 內置自動場景模式，也有女生必備的美顏功能 。
▲ 超廣角模式需要獨立切換，而不能透過雙指拉伸縮放開啓，有少許不方便。
▲ 室內光管燈。
▲ 天窗採光室內。
▲ 中午戶外公園。
▲ 戶外超廣角模式。
▲ 室內商品射燈。
▲ 攝於無燈房內，門只留了一小縫隙允許漏光入房。左/上：正常照片模式；右/下：夜拍模式。
其他特點
好多人會覺得 Android One 的機好悶，唔會好似其他廠咁加入第三方功能； 其實 Nokia 7.2 都有一些特別功能，例如 PureDisplay，還有新仔們都會有的 Google One 訂閱服務等，港行好似都係會送 3 個月試用。
▲ PureDisplay 動態模式有好多種，根據你試用的場合而設定 ；而 SDR 到 HDR 就是自動升級屏幕顯示的畫質（好似某日牌手機的玩法咁~）。
▲ 遺憾是機側實體 Google 助理案件暫時無法改爲其他功能，只能選擇開或關； 作爲私生子的 Nokia 7.2，更新速度自然緊貼親生仔，佢一開機連網就叫我更新，而且係兩個更新包。
▲ 香港官方網站指購買 Nokia 7.2 能獲得 3 個月的 Google One試用（15 蚊 Plan）；如果覺得 100GB 唔夠玩，最多可以上到 30TB 容量。
總結
開箱試玩後的感覺： Nokia 真係回來了。過往 HMD Global 幾部的機型雷聲大雨點小，網友們亦回報各種小問題。 但這次 Nokia 7.2 外殼質感超班，比同級其他對手都要好。 而且 Nokia + 蔡司呢個組合終於再次跟上大隊，輕輕一按快門都可以直出美圖！
有網友會話無旗艦級處理器，無防水防塵，但個人覺得 Nokia 7.2 的絕對優勢在於真三卡，又支持 Android 多用戶模式（唔好問我有乜用），而且唔用閃芒 AMOLED 屏幕，。三個組合係市面上真心無幾多部，真係有錢都未必買到。
