一個月之前， Nokia 發佈他們的新一代「影相神器」 Nokia 1020 ，具備 4100 萬像素和光學防震鏡頭的它可以說是集 PureView 技術之大成，唔少諾記粉絲（包括版主）都期望可以靠呢部機起死回生！估唔到發佈短短一個月，它就要登陸中國市場了，不過定價是天價的 $5,999 人民幣，亦即係超過 $7,000 港紙！大家認為呢個價仲買唔買得過呢？入黎講講意見吧！
8/15 大陸發佈！定價超越 $7,000 ！
在 7 月的發佈會中， Nokia 說過中國會是 Lumia 1020 的首發地區，果然一個月後就已經定下了它的發佈日期。這部號稱「影相神器」的手機將會在 8 月 15 號於南京發佈，暫時知道中國聯通和蘇寧鐳射都會賣這部機，不過定價方面實在高得嚇死人！ Lumia 1020 的淨機價足足要 $5,999 人民幣，足足超過 $7,000 港幣的價格，可以說是繼 Samsung Galaxy NX 之後另一新「貴」！而美國 AT & T 的淨機價格都是賣 $5,200 港元左右，這次的定價會不會太過離譜呢？
▲ 不過內地訂機會送 $500 現金卷和價值 $499 的電池手柄，計番都過千蚊，唔知香港開賣又會咩價呢？
網友意見齊齊傾：賣到咁貴值唔值？你會考慮它嗎？
如果要版主評論這個價格的話，我會認為是相當「勇敢」的。畢竟 Windows Phone 8 手機市場佔有率仍少，要正面與 Android 手機對抗仍然為之尚早，在稍早之前發佈的 Nokia Lumia 625 都可以憑著 4G LTE 和不錯的性價比打開市場，然而 Lumia 1020 上面的 4100 萬像素鏡頭和 PureView 技術的確未有這個吸引力啊！再說， Lumia 1020 雖然有著超高的像素，但並不是比隨身相機如 Sony RX 100II 、 Ricoh GR 等輕好多，賣到 $7,000 的價錢實在有太多選擇了，希望在香港發佈時價錢會合理一點吧
。唔知大家同唔同意版主既睇法呢？可以係下面投票，再留言講講你既睇法架！在文章刊出的時侯， Lumia 1020 仍然未公佈在香港的發佈日期和定價，按此看詳細規格。
