。
開賣一個月要減價促銷？LG G-Flex 減價 $400 賣 $5,998！
網友們可能記得在發佈會的時侯 LG G-Flex 定價 $6,698 貴絕旗艦手機，但一上市就插水 $300 開賣，可能 LG 都知道定價太高會趕客吧。當時有網友話將會一個月跌 $2,000 ，好快跌到抵買的程度，實際上又冇咁誇張
。開賣一個月的 LG G-Flex 最近減了 $400 ，最新官價 $5,998 ，比起初發佈的時侯便宜 $700 ，但大家唔好忘記 Samsung Galaxy Note III LTE 最近又減左價，相比起之下 720p 芒既 LG G-Flex 真係較為遜色。（亦有網友不停問： HTC One Max 幾時肯減價？）除了屏幕之外， LG G-Flex 的規格和設計都和 LG G2 很相似，包括機背按鍵， Qualcomm S800 2.2GHz 四核心處理器、2GB RAM 、1300 萬像素鏡頭、沒有插卡換電功能
，電量方面它有更高的 3500mAh ，不過屏幕就是 720p 解像度的 6 吋 OLED 材質，解像度方面不算高，不過為左曲面芒就要有點犧牲啦。話說 G-Flex 的機背有「自動修復」功能，又有冇網友試過呢？
▲電訊數碼方面需要簽約 ＄72 月費 x 20 個月，總支出 $6,238 。
▲現時場內的另一部曲芒機 Samsung Galxay Round 跌到最低 $5,500 左右，聽說有興趣的買家也不多
LG G Flex 在文章刊登時，賣價為 $5,998，按這裡有更詳細規各及最新賣價。
