LG G2 再減價！官價 $5,000 有找算唔算抵買？
在不久之前 LG G2 先減價 $300 ，相隔半個月又再減多 $200 （可不可以減得乾脆一點？
）。最新的官價是 16GB $4,998 、 32GB $5,198 ，與同門的 Nexus 5 比仍然貴上 $1,800 ，但以 Qualcomm S800 處理器手機黎講，算係比較相宜的一部啦。反而先達的水貨和「行貨」價錢同半個月前差唔多，仍然在 $3,800 至 $4,000 上下，預計要係下一季新機推出之後先跌價，大家或者可以等等。至於電訊數碼的上台月費，亦比之前便宜了 $200 ， 16GB 出機兩年總支出是 $5,326 ； 32GB 出機總支出是 $5,526 ，進一步減價之後我認為就抵過唔少先達鋪啦，畢竟上台出機有一定保證，唔使擔心保養問題。
▲電訊數碼方面的上台月費都因應機價而減了 $200 ，雖然不算多，就 $3,798 出 32GB 已經同先達買機差不多。
新年推紅、金雙色！香港會唔會有得賣？
新年推新色？以往唔少手機都係咁做，相信大家都唔會忘記紅色版的 Lumia 920 吧！ LG 最近亦公佈會土豪金色和紅色的 LG G2 ，這個配色根本就是新年利是封配色麻
。不過台灣方面金色都要等到 2 月，韓國和新加坡的紅色就最快於 1 月 18 號推出，亦不打算在台灣推出。網友們認為這兩隻配色好看嗎？又會唔會考慮入手新色的 LG G2 呢？(行貨或者水貨）留言討論一下吧！
▲最新推出的紅、米雙色，暫時未定幾時會在香港推出，不過新年就快到了，應該好快會有？
文章刊出的時侯， LG G2 (16GB）的定價是 $4,998 ，按此看最新賣價和詳細規格。
文章刊出的時侯， LG G2 (32GB）的定價是 $5,198 ，按此看最新賣價和詳細規格。
