▲先達有幾間店鋪標價平過 Google Play Store ，不過佢肯老實答係水貨，亦講明沒有保養
場價平過 Google Play Store 信唔信得過？小心中伏買錯水貨！
點解 LG 推出的 Nexus 5 咁多人講？我諗用 $4,000 唔到就可以買到一部採用 4.95 吋 FHD 屏幕、 Qualcomm S800 2.2GHz 處理器和支援 4G LTE 的手機是重點，性價比還是很高的！不過大家又記唔記得最初 Nexus 5 16GB 的定價是 $3,898，後來 Google Play Store 開賣先推出 32GB 版本和便宜上一截呢？版主問過相熟的店鋪，他們說第一批 Nexus 5 是由 LG 直接比貨，來貨價接近 $3,400 ，仍然是貴過 Google Play Store 的售價，最後都倒蝕幾部離場
。那麼現時可以用 $3,200 ~ $3,300 買到的 LG Nexus 5 (16GB)，貨源又是從哪裡來呢？版主估計應該有人從網上 Google Play Store 訂貨到鋪再賣出去，亦有可能是用低價清走舊貨（可能性比較低），當然亦有可能是由外國引入的歐洲／美國水貨了。因為美國水貨的型號是 D820 ，不支援本地 4G LTE 要認出來還是比較簡單；歐洲水貨型號是 D821 支援香港 1800 + 2600 4G LTE 頻譜，然而在香港沒有保養，這兩天有網友表示用接近價錢買到水貨，完完全全是中大伏！
而在深水埗某幾個商場最近亦開始有比 Google Play Store 定價 $3,188 更低的 Nexus 5 賣，就版主所知道用這個價錢去賣機真是倒蝕，買錯歐水的機會率還是相當高的。當然在門市買可以檢查機身、屏幕有沒有死點、漏光問題，亦唔需要等個幾星期先有新手機用，版主只好提大家驗機既時侯小心一點啦。
▲現時日版的 Nexus 5 (16GB) 賣 $2,980 ，稍為比 Google Play Store 平 $200 ，不過係跟日本保養。
▲日本 Nexus 5 支援本地的 800/850/900/2100 3G 和 1800 + 2600 的 4G LTE 頻譜，基本上和港行用起來差不多啦，當然亦有原生中文。換句話說，其實水貨的 LG Nexus 5 是很難分出來的
，大家可以留意有冇中文說文書和保養書，上面的 IMEI 與盒上面同埋機身係咪相同
紅色版本 Nexus 5 登陸香港 Google Play Store
真係唔熟悉既網友，版主建議 Google Play Store 訂機性價比都不錯啦，最少唔需要擔心保養方面既問題先。今日上 Google Play Store 既網友應該留意到， Nexus 5 加推了鮮紅色版本，亦有 16GB/32GB 兩種容量，可惜都是熊貓機，我亦覺得聽筒位置變了紅色很突兀，不過品味呢樣野又好個人既，總會有人鐘意呢隻顏色。值唔值得係呢個時侯入手 Nexus 5? 正如好多網友所講，佢 2300mAh 既電量用足一日真的相當勉強，除此之外亦沒有插卡／換電功能，可是我相當喜歡它原生 Android 的流暢度，亦喜歡 Android 4.4 Kit Kat 整合了 Google Now 的介面，對於預算不多的網友來說它還是很吸引啊！唔知大家同唔同意呢？又點睇場內 Nexus 5 標價平過 Google Play Store 既問題呢？留言分享一下睇法吧！
▲紅色 Nexus 5 有賣 16GB 和 32GB 版本，同樣寫 1～ 2 個工作天出貨，根據經驗大約要 4~7 天先收到實機
Nexus 5 實測系列
港版 Nexus 5 開箱，試 Android 4.4
Nexus 5 屏幕、跑分測試！版主 Hands-on 試玩
Nexus 5 新 HDR + 模式、光學防震挑戰
在文章刊出的時侯， LG Nexus 5（16GB)定價 $3,898 ，按此看詳細規格和最新賣價。
在文章刊出的時侯， Google Nexus 5 (16GB)定價 $3,898 ，按此看詳細規格和最新賣價。
