仲有一日時間就係 LG 旗艦手機 LG G3 的發佈會啦，版主 Eddie 亦準備出發去同大家直擊發佈會現場。雖然話呢部機既規格、特點甚至真機圖都被 evleak 流出，不過大家最關注的當然是定價還有開賣日期吧？係發佈之前一日，正好流出了韓國當地的 LG G3 定價，竟然係唔到 HK$5,000 ？！咁新機有冇機會因為「性價比」被大家追棒呢？
▲ 另一個網站流出的 LG G3 圖，似乎這個應是國際版的外型，大家又 Like 唔 Like？
2K 屏幕、 S801 四核！旗艦手機定價唔過 $5,000 ？！
講到 LG G3 ，我諗大家睇「流出資料」睇到就黎識背啦，如無意外這部機將會採用 5.5 吋 2K 解像度 IPS 觸控屏，Qualcomm S801 四核心處理器配 3GB RAM ，內置 32GB 容量，拍攝方面是 1300 萬像素 OIS 光學手震相機與 210 萬像素前置鏡頭，獨特之處好像是採用了全新的對焦系統，用了什麼技術要發佈之後才知道，電池採用了可換式設計，電量有 3000mAh。根據之前的官方流出圖，將會推出白色、黑色和金色三種顏色，會不會再加推紅色？這就不得而知啦！流出價錢韓國版 LG G3 （LG-F400L）定價為 $650,000 韓圓 （約為 $4,919 港幣），係近期既旗艦機入面，應該要數呢部最平啦掛，希望來到香港的時侯不要太貴吧？上年 LG G2 發佈之後都是韓國水貨第一步到港，不過以旗艦來說價錢也是比較相宜的一部，相對於現時 $6,000 的旗艦手機， LG 如果用 $5,000 左右的價錢賣機，大家又會唔會支持？
▲ 這是之前流出的 LG G3 真機照，圓形的時鐘應該就是為了配合之前流出圓形天窗皮套
▲evleaks 連官圖也流出了，留意和韓版在顏色方面有些不同，喇叭的比例好像也有分別
▲這是 evleaks 流出來的日版 LG G3 ，看起來比國際版的好看，大家同意吧
！
版主發佈會現場試機，網友問問題：
有新機發佈，又點少得版主去試玩！版主 Eddie就準備直擊新機的發佈，雖然主要規格大家都知道左，不過一啲細節位例如新功能、傳聞中的新對焦技術、 2K 屏幕有冇用到新技術等等都未有確切消息，大家如果對呢部手機有想知既事情，同之前只要係文章最底留言問問題，我就會幫大家試清楚啊
！