送 $2,500 配件 抵過買水貨？！LG G3 上台入手全攻略！

上台送最多 $2,500 贈品！LG G3 水貨價再跌 $4,780 有交易！

今日 LG G3 正式開放預訂，電訊商亦公佈價錢。不知道是不是 LG G3 補貼得比較多，所以今次用比較低價錢月費上台亦做到 $0 機價。單論總支出的話，數碼通 $406 的2GB 月費簽 24 個月 ，總支出 $9,744  係最平既月費，不過贈品方面就只有原裝 Smart Cover ；單論月費最平既話 PCCW $348 月費有 2GB 用量，不過合約期足足 36 個月，唔知網友就會唔會嫌合約太長啦。

版主睇過唔同電訊商都送 LG 原裝的 SmartCover 同網友相當關注既無線充電座，單計贈品淨值最高既係 CSL One2Free ，隨左有 Cover 同充電座之外亦送 Pocket Photo 相片打印機；如果考慮到實用的話 PCCW 會送 LG 的藍牙耳機和「天皇電」外置充電，仲有 $50 儲值額既八達通 SIM ，兩個方案都是比較吸引的。當然對於贈品沒太大興趣的， 5GB 總支出最便宜是中移動上台，總支出 $10,524 ，大家可以參考最底的表格（電訊商只有 3HK 代理 16GB 的 LG G3 ，表格中全部都是 32GB 版價錢）

版主亦行過先達與深水埗黃金，場內 LG G3 韓國水貨現價賣緊 $4,780 ~ $4,980 ，價錢比起行貨便宜過 $1,000 ，亦有跟兩電兩充。而行貨方面版主問過幾間大鋪，暫時都未知會有什麼贈品，相熟店員提過有機會只送 Smart Cover ，不過可能就可以加錢換多舊電及 LG 快速無線充電座，實際就要 6 月 27 號正式開賣先知道啦。網友睇完覺得上台贈品吸唔吸引呢？留言討論一下吧！
 

網絡商	月費	機價	數據量	合約期	總支出	贈品及其他優惠
3HK	$479	$0	5GB	24 月	$11,496	LG 原裝 SmartCover 、快速無線充電座
PCCW	$348	$0	2GB	36 月	$12,528	LG 原裝 SmartCover 、快速無線充電座、 ​ LG 原廠藍牙耳機、外置充電、 $50 八達通 SIM
PCCW	$450	$0	5GB	24 月	$10,800	LG 原裝 SmartCover 、快速無線充電座、 ​ LG 原廠藍牙耳機、外置充電、 $50 八達通 SIM
PCCW	$610	$0	10GB	24 月	$14,640	LG 原裝 SmartCover 、快速無線充電座、 ​ LG 原廠藍牙耳機、外置充電、 $50 八達通 SIM
數碼通	$406	$0	2GB	24 月	$9,744	LG 原裝 SmartCover
數碼通	$496	$0	5GB	24 月	$11,904	LG 原裝 SmartCover 、快速無線充電座
數碼通	$616	$0	10GB	24 月	$14,784	LG 原裝 SmartCover 、快速無線充電座
One2Free	$497	$0	5GB	24月	$11,928	LG 原裝 SmartCover 、快速無線充電座 LG Pocket Photo 相片打印機
CMHK	$231	$4980	5GB	24月	$10,524	LG 原裝 SmartCover
CMHK	$311	$4980	10GB	24月	$12,444	LG 原裝 SmartCover