▲很奇怪的 LG G3 是簽 13 個月，可能是想將月費支出剛好提到 $1,000 以上吧，如果夾埋仲平過大鋪，人人都上台啦！
LG G3限速上台價平 $1,000 ！總支出抵過大鋪買機？
我諗大家都知道香港賣 LG G3 會分兩種版本，分別係 $5,698 既 2GB RAM/16GB ROM 同埋賣 $5,998 既 3GB RAM/32GB ROM 版本，版主問過香港既電訊商，幾間都係賣 32GB 高階版，既然要上台出機都唔會揀平既黎買掛？今日我留意到電訊數碼既 LG G3 上台價足足平 $1,000 ，計番 $80 x 13 個月既月費，總支出係 $6,038 ，比起大鋪買機貴 $40 就有 13 個月無限上網，圍番起每個月比多 $3 左右，想買機既網友都可以諗諗啊。至於大鋪買機，版主今日問過是沒有特別的贈品，都是記憶卡、屏幕保護貼等，預訂也沒有保護套送，相對地上台贈品實在多好多，似乎就唔係咁吸引。當然版主亦有問過韓水最新賣價，現時 LG G3 韓水 32GB 賣大約 $4,600 ~ $4,700 ，比起開賣時的 $5,998 跌了超過 20% ，亦平過尋日到貨既 Samsung Galaxy S5 LTE-A 唔少，加上跟機有兩電兩充，亦支援本地 1800+ 2600 MHz 兩條頻段既 4G LTE 。用這個價錢買到 2560 x 1440 解像度屏幕、 Qualcomm S801 2.3GHz 四核＋3GB RAM 性價比也不會輸給網上訂 Oppo Find7 啊，當然水貨保養方面係跟鋪頭，入手前要留意下。
聽日 LG G3 行貨就會正式到港，版主收到消息唔少細鋪未必有「平價行貨」賣，大家又會唔會考慮用限速月費上台／韓水呢？順帶一提，係電訊商加價之前上台實在比較便宜，可以參考番上次我做既格價攻略呀。
▲韓水版本的 LG G3 是 32GB ROM/3GB RAM 版，最初抵港時賣 $5,998 ，現時大約 $4,600～ $4,700 就有交易，一個月跌多過兩成，不過就去到穩定程度啦，版主估計短期內唔太大機會跌破 $4,000 ，想入手既可以考慮下啊！
LG G3 評測系列
LG 官方提前披露 G3 規格LG G3 性價比大戰 One M8、Galaxy S5 與 Xpeia Z2
LG G3 發佈會預告加網友問題集合
LG G3 版主 Hands-on + 跑分
LG G3 版主答問題：網友要知道的 8 件事
2K 屏幕大戰 LG G3 ！Oppo Find 7 抵港開箱試跑分！
在文章發佈的時侯， LG G3 (16GB) 定價 $5,698，按此看詳細規格和最新賣價。
在文章發佈的時侯， LG G3 (32GB) 定價 $5,998，按此看詳細規格和最新賣價。
