紫色版 LG G3 8 月 13 號上場！限定 32GB！電訊數碼賣 $4,798 抵唔抵？
有幾次講 LG G3 ，網友都會留言問：「幾時有紫色？幾時有紫色？」今日版主們收到官方的新聞稿，確認紫色版既 LG G3 將會係 8 月 13 號正式登陸香港，不過就限定 32GB 版本先有，不過網友們主要都選擇擁有 Qualcomm S801 2.5GHz 配 3GB RAM 的 32GB 版本，所以影響不算大吧？講到呢部手機，暫時行貨入面得佢有 5.5 吋 2560 x 1440 解像度屏幕，聽說下個月的 Samsung Galxay Note 4 都會採用同級的規格，大家又會唔會等多個月呢？講到 LG G3 ，係大鋪「買 $5,000 減 $1,000」既時期應該唔少網友都係大鋪買，其實電訊數碼亦都做緊一個減 $1,200 既優惠。現時係電訊數碼簽 12 個月 $80 限速月費合約可以用 $4,798 價錢入手 LG G3 (32GB) 版本，比起官方定價平 $1,200 ，就算計埋月費總支出都係 $5,758 ，實在比起官方定價平，大家都知道電訊數碼係呢個月底就會加價啦，想用番舊合約既網友都可以趁呢段時間簽約，又會唔會考慮同步入手埋 LG G3 呢？留言講講意見吧！
▲上台簽 12 個月，每個月 $80 計埋機價 $4,798 總支出係 $5,758 ，少有地平過正價 $5,998！
▲蘇寧上星期做的「買 $5,000 減 $1,400」優惠完結了，不過仍然和其他大鋪一樣做「買 $5,000 減 $1,000」，同樣有限定某些型號的手機才可以減，不過店員冇話做到幾時
在文章發佈的時侯， LG G3 (16GB) 定價 $5,698，按此看詳細規格和最新賣價。
在文章發佈的時侯， LG G3 (32GB) 定價 $5,998，按此看詳細規格和最新賣價。
