LG G2 行貨 （32GB）減 $1,000 跌破三千！ G-Flex 行貨 $3,998 有交易！
之前同大家講過旗艦幾部減 ，所以用 $4,000 幾既價錢就可以入手。但要講起減價減得多，真係要數 LG 。佢地上年既旗艦 LG G2 係香港推出既時侯有唔少網友入手了，不過並唔係個個都買行貨，原因為水貨可以插卡換電，價錢亦都係相對跌得比較快既一部，往往比起行貨可以平 $1,000 入手，所以那麼受歡迎吧！今日版主 Eddie 行過衛訊，發現他們將 LG G2 (32GB)上面的「減 $600 」牌變成了「減 $1,000」，換句話說用 $2,998 就可以入手，跟水貨價錢差不多！而 LG G2 雖然是上年的手機，不過我對它的評價實在很高，因為它的 Rear Key 設計令到手機做得相當薄，邊框亦都窄，所以5.2 吋 FHD 屏幕的手機和 HTC One 差不多大小，Qualcomm S800 2.26GHz 處理器、 1GB RAM 以現時的規格來講是舊一代，1300 萬像素相機有 O.I.S 光學防手震，亦有 200 萬像素前鏡頭，港版是 3000mAh 電池，以版主的使用習慣可以用足一天，也是一個合格的電量。順帶一提，之前大賣「可修復背蓋」的 LG G-Flex 大鋪價錢賣 $3,998 ，比起水貨 $2,580 貴千幾
。有人傳聞話大鋪減 $1,000 會隨時收起，而版主亦留意到百老匯將 LG G2 上面的「減 $600」變成了「照價再減」，價錢問過是 $3,398 未夠衛訊平。聽講其他手機會逐漸變成「照價再減」，再來就開始像以前做「暗價」而唔係「買 $5,000 減 $1,000 」的優惠！當然想知道最新既價錢動態，就要繼續留意版主既報價啦！
▲現時 LG G2 韓水賣大約 $2,800 ~ $2,900 左右，同行貨不同的就是可以插卡換電，不過電池量比較少
文章刊出的時侯， LG G2 (32GB）的定價是 $2,998 ，按此看最新賣價和詳細規格。
在文章發佈的時侯， LG G-Flex 定價 $3,998 ，按此看詳細規格和最新賣價。
