。今日版主 Eddie 特登落場同大家問問有冇鋪肯做「暗價」。同時有幾部入門機既價錢亦都暗中減左，有八核既 HTC Desire 616 ，亦有最近先上場既 LG G3 Beat ，如果冇買到 T2 Ultra 既網友，又會唔會考慮呢？
Sony Xperia T2 Ultra 減價完結！ LG G Pro 2 減 $1,400 賣 $3,598 起！
早兩年大家流行搶 iPhone ，估唔到今年買其他手機都係要用「限時優惠」去買，就好似 Sony Xperia T2 Ultra 咁，上星期五晚 csl. 係自家 Facebook 公佈會將價錢減至 $1,700 ，即刻成為中階 4G LTE 手機入面最平既一部，之後星期六、日，百老匯同埋衛訊都同樣用 $1,700 去賣 Sony Xperia T2 Ultra ，有冇網友又搶左一部呢？版主今日有去過衛訊、百老匯問價，店員老實說已經做回正價 $2,998 ，所以大家唔需要再去問啦。（話說，版主企左 5 分鐘衛訊已經有 6 、 7 個人入黎問 T2 Ultra 幾多錢，睇得出店員有少少唔耐煩
）至於另一部減價既 LG G Pro 2 之前 csl. 減價做 $2,780 ，優惠亦都完結了。現時百老匯和衛訊的價錢都一樣， 16GB 版本 LG G Pro 2 比正價平 $1,400 賣 $3,598； 32GB 版本同樣平 $1,400 賣 $3,898 。老實講版主亦有去問鋪問過，佢地話來貨價錢都已經過 $3,000 ，csl. 早兩日真係蝕住黎賣，可想而知係好難再有同類優惠
。
▲現時 LG G Pro 2 的水貨都要接近 $3,000 ，亦有鋪頭跟版主說水貨的貨量都很少
LG G3 Beat 做「照價再減」！真八核 Desire 616 賣 $1,798 抵唔抵？
如果買唔到平價既 Sony Xperia T2 Ultra ，又有冇其他選擇呢？版主 Eddie 行場亦發現有幾部入門級的手機進行減價，包括有鐳射對焦的 LG G3 Beat 和用真八核的 Desire 616 。首先講講 LG G3 Beat ，呢部機係香港上市大約半個月左右，衛訊同百老匯都已經做緊「照價再減」價值，由原本的 $2,598 減到 $2,398 ，之前版主教過大家如果買兩部 LG G3 其實每部 $2,098 ，又抵唔抵玩呢？呢部機採用 5 吋 720 x 1280 解像度 IPS 屏幕、 Qualcomm S400 1.2GHz 四核、 1GB RAM 、 8GB ROM 、800 萬像素主鏡頭＋130 萬像素前鏡頭、亦有同級中較大的 2540mAh 電池，要留意它是可換電之餘，現時大鋪亦會送多舊原裝電，都係幾划算啊！對了，它是支援大陸的 TD-LTE 2300MHz 頻段，然而就沒有 TD-SCDMA ，雖然唔係每個地方都收到，總比起沒有好吧
。而採用「真八核」既 HTC Desire 616 Dual SIM 亦在幾間大鋪做「暗價」，現時定價是 $1,798 。它同樣是一部 5 吋 720 x 1280 解像度的手機，MTK 6592 1.4GHz 八核心處理器配 1GB RAM ，機身內置 4GB ROM 並支援插卡，鏡頭方面是 800 萬像素主鏡頭和 200 萬像素前鏡頭，電池量只有 2000mAh 是同級較少的一部。內置容量係比較少，不過可以 App2SD 所以還是夠用，如果需要雙卡的話也可以考慮一下這部八核機。
當然要平價 4G LTE 機既話 ASUS Zenfone 5 LTE 賣 $1,399 起，有 5 吋 720p 屏幕、 Qualcomm S400 1.2GHz 四核、 1GB RAM 、 8GB ROM 、800 萬像素主鏡頭＋200 萬像素前鏡頭、 2110mAh 電池，係電池比起 LG G3 Beat 小一點，亦沒有 TD-LTE 的支援，不過價錢方面麻…
。網友又會點揀呢？留言講講睇法吧！
▲順帶一提， HTC Desire 616 是用特別的 Sense 5.1 ，雖然都有 BlinkFeed 和 Video Highligh ，可惜並不是完整的 HTC Sense 體驗
在文章刊登時，HTC Desire 616 Dual SIM 售價 $1,798，按這裡知道詳細規格及最新賣價。
在文章發佈時， LG G3 Beat 定價 $2,598 ，按此看詳細規格和最新賣價。
在文章刊出的時侯， Sony Xperia T2 Ultra 定價 $2,998 ，按此看詳細規格和最新賣價。
在文章刊登時，LG G Pro 2 賣價為 HK$4,998， 按這裡有詳細規格及介紹
在文章刊登時， LG G Pro 2 (32GB) 賣價為 HK$5,298， 按這裡有詳細規格及介紹
