LG G3 九月推出「升級版」！支援中港 4G頻段賣幾錢？！

Eddie 2014-08-29 20:38 | LG

有冇網友係呢排大鋪減價趁平買左 LG G3 ？如果未既話就可以等等，因為版主收到消息九月中會有 LG G3 既升級版推出，除左支援中港 4G LTE 之外仲會係雙卡雙待！至於價錢麻，暫時收到既消息係同而家同價，似乎都相當值得期待啊！

LG G3 會出中港雙卡版！價錢相同你等唔等？

版主收到消息， LG G3 會係九月中推出新版本，就係五模多頻版本。可能有網友都會話現時香港行貨賣的 LG G3 一直有 TD-LTE 2300MHz (B40) 頻段（通常只有室內收到），不過因為不支援內地的 TD-SCDMA ，所以用中移動時收不到 4G LTE 訊號會跌落 2G ，用起來相當不方便；而新版本的 LG G3 將會由大陸中國移動版本改成，不但支援香港本地的 FDD-LTE (1800/2600MHz) 和 WCDMA ；亦會支援內地的 TD-LTE (B38 、B39、B40 、B41)和 TD-SCDMA ，加上會是雙卡版本，如果真的推出之後來往兩地都可以用到 4G 上網之餘，亦不用換 SIM ，對大家來說是更方便吧。

至於新版本價錢方面，根據消息來源就會和香港現時賣的同價， 32GB 版賣 $5,998 ，既然用到更多頻段既 4G LTE 同埋有雙卡功能，似乎等多半個月都係一件好事？但要留意大鋪減 $1,400 有傳聞九月就會收爐，等唔等雙卡版大家又要諗諗啦。

在文章發佈的時侯， LG G3 (16GB) 行貨賣價 $4,298，按此看詳細規格和最新賣價。
在文章發佈的時侯， LG G3 (32GB) 定價 $4,598，按此看詳細規格和最新賣價。