先達炒價近 $7,000！大鋪店員： LG G Flex 2 賣 $5,698 星期四有！
提到 LG G Flex 2 ，我諗唔係太多網友在意佢個「曲芒」，重點始終都係佢係第一部採用 Qualcomm S810 八核既機皇，同埋個隻機背既紅色真係好吸引人。其實佢 5.5 吋屏幕升級做 FHD 規格之後解像度明顯比起第一代好，亦沒有了偏色問題，就算與其他旗艦相比亦不會遜色，而它採用的 Qualcomm S810 2.0GHz 八核心配合 3GB RAM 安兔兔跑分輕鬆去到 54,000，也是現時效能之皇，配合 1300 萬像素雷射對焦主鏡頭與 200 萬像素前鏡頭，不過版主始終唔明點解 3000mAh 電池是內置式不可以更換（好在有快速充電）雖然版主仍然未確認香港會賣 16GB 定係 32GB 的 LG G Flex 2 ，不過就知道價錢會在 $5,698 這個價位，換句話說是比起 Samsung Galaxy Note 4 這部旗艦平，不過都仲係比自家既 LG G3 貴 $1,000 以上啊（希望有大鋪即減價啦），以呢個價錢去買 S810 手機去「早買早享受」係咪一個好既主意？
順帶一提，今日版主行過先達問過 LG G Flex 2 韓水賣幾多錢，有鋪報價賣 $6,280 同上個星期同價，不過亦有鋪將紅色炒到 $6,880 的高價，離 $7,000 價位不遠啦
。相對之下行貨 LG G Flex 2 賣 $5,698 真係划算好多。當然，總有網友覺得價錢好快跌，幾時係入手好時機？網友自己諗啦
。
▲老實講， LG G Flex 2 紅色真係幾靚仔，版主都想要一部
▲現在場內紅色版的 LG G Flex 2 炒價貴 $6,880 ，比起之前還要貴！大家還是等行貨吧！
在文章發佈的時侯，LG G Flex 2 定價 $5,698 ，按此看詳細規格和最新賣價。
