可以帶面具架！得意到爆 LG AKA 二千四你買唔買?

Keith Yim 2015-03-12 18:57 | LG

大家想起 LG 手機，都係 G2, G3 咁樣， 買 LG，可能因為「性價比」高！係韓國都算紅嘅另類 LG 手機 LG AKA，即係有隻大眼晴嗰部呢，已經有東南亞區 unlock 版，但係用 S400 CPU，再加 16GB ROM、1.5G RAM 呢個 Config 嘅 4G LTE 手機，係台灣賣到 NT$9900，即係 HK$2430 左右，你又會唔會衝？



LG AKA 係全球首款擁有角色個性嘅 Android 智能手機。即係點？LG AKA 最特別嘅地方，係配過一個面具機蓋配件，令平凡嘅長方 Android 手機，具備擬人化嘅眼睛與形像。LG AKA 本身個 Spec 未必起眼：Qualcomm S400 1.2GHz 四核心處理器、16GB ROM +  1.5GB RAM。它用 5 吋 IPS HD 屏幕，再有 800 萬＋220 萬後、前置鏡頭。不過，跟機有一個面具配件：令成部手機唔同晒。


▲ LG AKA 正面無睇頭，加個面具配件立即得意晒。呢個 AKA 面具設計得比手機仲要身，會將手機四份之一露出來。手機加上蓋就會關閉螢幕，變黑部份會變了一雙有厲害表情嘅眼睛。呢雙眼睛嘅表情，更會因為使用者嘅搖動手機作出唔同嘅反應。


▲ 跟機除左面具機蓋，仲有對應顏色嘅公仔附送。

版主收到風， LG AKA 同另一部早前發佈嘅 Spirit LTE，呢兩部 4G LTE 手機，都會落地香港。大家可以等下香港行貨幾時有呢!

LG AKA 於文章發表時，未有香港售價，按這裡有詳細介紹及最新賣價。