LG G Flex 2 大鋪減價！HTC One M9 企硬！場內 S810 最平四千 有交易！
作為首部 Qualcomm S810 行貨手機，LG G Flex 2 係其他旗艦推出之後就似乎銷情麻麻，畢竟呢部機最大既賣點都係曲面屏幕，但解像度只有 1920 x 1080 ，另外亦係用 POLED 作為屏幕材質，大家都擔心會有「烙印」現像啊，而正如上面所講佢係採用 Qualcomm S810 2.0GHz 八核心，內置了 2GB RAM 與 32GB ROM，而它亦有 1300 萬像素的鐳射對焦相機，而前鏡頭有 200 萬像素和 3000mAh 大電池。可能因為 LG G4 就快要出（版主收到風大約在 5 月初會開賣），所以佢係大鋪就有小減價，去到 $5,480 有交易。但係要講銷量麻麻的，其實仲有 HTC One M9 ，版主收到消息呢部機係大鋪唔算太好賣，應該都是因為 $5,999 的價錢在同期旗艦中定價較高吧？（版主每日都望佢減價）老實講，佢仲係用 5 吋 FHD 屏幕同埋同一個設計，同上一代 M8 真係相差唔大，不過都升級左 Qualcomm S810 八核配 3GB RAM ，內置容量升到 32GB ，亦採用了 2000 萬像素新主鏡頭與 400 萬像素 UltraPixel 前鏡頭，電池量有 2840mAh 大約升了 10% ，始終定價都是一個心理關口啊！另外 HTC E9+ 都發佈左，有 2K 屏幕價錢又平，大家應該都係等呢部吧！
其實講番行情， LG G Flex 2 係先達入面「全新行貨」一早已經跌破 $5,000，而最近誇張的是韓國水貨價錢跌到 $4,380 左右，場內的「有單全新機」甚至去到 $3,980 ~ $4,380 有交易，見到都有唔少人低價放機啊！而 HTC One M9 就冇咁誇張，版主搵到最平的「全新行貨」都要 $5,380 ，就算跟單劏出來都要 $5,280 先有交易，始終都唔算太平，如果跌到 $4,900 左右反而會衝破一個心理關口吧。
▲場內的 LG G Flex 2 最平見到 $4,000 ~ $4,200 有「全新有單」機，就算是場內鋪頭都是賣 $4,500 左右，比起原價便宜 $1,000 以上啊！
▲LG G4 都證實有 f/1.8 大光圈，就係要比 Samsung Galaxy S6 大少少，不過重點應該係有手動模式吧
在文章發佈的時侯 HTC One M9 香港定價為 $5,998 (32GB) 版本。按此看詳細規格和最新賣價。
在文章發佈的時侯， LG G Flex 2 香港行貨定價為 $5,498，按此看詳細規格與最新賣價。
