▲ 係手機正面來講， LG G4 基本上沿用左 LG 手機一貫風格，而邊框雖然發佈會無刻意提及，但可以見到係頗窄的。
一改「膠機」風格！G4 大玩「真」皮革
來到 2015 年， LG 的旗艦亦來到 G4 ，係外型上 G4 同前兩代也有所不同。以往 G 系列外殻所用的材質主要以膠為主，而新一代的 G4 就主打採用皮革材質的外殻，同時另外有塑膠材質但有鑽石型紋理的版本，而兩者同樣可以打開背蓋。 係機面 G4 也有 3000R 孤度，令手機不易摔壞，機身尺吋就係 148.9 x 76.1 x 6.3 – 9.8 mm 同 155g 重。
▲ 當對手 Samsung 推出用玻璃作為主要外殻材質的時候， LG 就係塑膠機背基礎上再加添左皮革版本，大家又偏好邊種風格呢？
G4 正式發佈！更大光圈／感光元件的相機＋全新 IPS 屏幕是重點！
今次呢部機的重點就主要係屏幕同相機兩方面，而處理器也用上了同上左同其他旗艦不同的版本。係屏幕上， G4 採用左 5.5 吋的 2K 解像度 IPS Quantum Display 屏幕，呢個屏幕除左係光度同對比度上都有所提升之外，亦都比以往省電約 11% 。相機方面都係 LG 著力推廣的賣點之一， G4 用上 Laser 鐳射相機同 F1.8 光圈的 1600 萬像素相機，而且有新一代 OIS 2.0 三軸防手震同埋感光元件亦升級到 1/2.6 吋。同時 G4 的手動模式（ M Mode ）都值得留意，除左可以控制白平衡同 iso 之外， G4 的 M mode 也可以自行調較快門以及一鍵儲存 Raw 檔，更吸引的規格仲有呢個 Spectrum sensor ，用來感應 RGB 與 IR (紅外線）的色調，令拍出來的相片更準確。而前鏡方面 G4 就有 800 萬像素同埋 F2.0 大光圈。係處理器方面，一如早前的爆料所指， LG G4 用上左 Qualcomm 的 S808 處理器同埋 3GB RAM ，呢款處理器同樣支援 4K 錄影而且可以做到更準確的定位，內存容量就有 32GB （支援最大 2TB 插卡）。最後就係電池方面， G4 可說是少有一款可換電的旗艦了，有 3000mAh 可換電池。
▲ 係屏幕上 LG G4 今次用左 IPS Quantum Display ，比起以往的 IPS 屏幕係對比度、色彩還原同對比等都有所提升，加上本身解像度同樣係用上 2K ，同主打靚芒以及目前屏幕最高亮度的 Galaxy S6 Edge 確係可以一爭長短。
▲ 當目前主流旗艦都不斷加大光圈以做到更好的低光表現時， G4 都一樣用上左 F1.8 光圈，比起 S6 Edge 的 F1.9 光圈係規格上更強。
▲ 採用 S808 處理器呢樣係大家事前已經知道的，一般相信 LG 棄 S810 而用 S808 係出於對 S810 電量消耗同埋發熱情況的不放心而作出的調整，而用上 S808 的 G4 表現如何呢？之睇上手玩就知了～
▲ Galaxy S6 同 S6 Edge 推出時雖然外型有不少人讚，但係改為不能換電就有不少網友大表失望。相信 G4 能夠滿足到大家的要求啦！一來 3000mAh 電量以目前旗艦來講算係不錯，最緊要係可換電啊！
開賣日子有期！大家心水價位係多少？
最後就係開賣同埋價錢方面的資料了，好可惜係今次的發佈會上面 LG 並無提到相關的消息（可能係留到之後在新加坡果邊的發佈會吧）。不過大家都不要擔心，因為之前版主 Eddie 已經披露左呢方面的相關資料啊！一有最新消息 ePrice 當然會盡快 update 啦！唔知大家又點睇 G4 呢？留言講講吧。
（有關在港推出的日子，版主已經收到風啦！正如 Eddie 所提到會在 5 月尾推出，而確切的日期係 5 月 22 日）
LG G4 發佈會相關文章：
F1.8 大光圈+ 3000 mAh 可換電！ LG G4 正式發佈鬥 Galaxy S6三大必衝原因：真皮革、高規格、體驗正！LG G4 真機機上手圖賞！
LG G4 五月登場確認！機皇比鬥 M9 、Z4 、S6 你撐邊部？
在文章發佈時， LG G4 尚未公佈在港發售日期，按此查看詳細規格及最新賣價。
