大跌價！ S810 行貨旗艦大鋪四千有找，衝唔衝得過？

Lawrence 2015-06-05 20:13 | LG

提起 S810 減價手機，好多朋友第一時間應該會諗起 HTC One M9 ，除左因為對呢部機有興趣的朋友不多之外 HTC 最近又再推出埋 M9+ ，自然令 One M9 的價錢一跌再跌啦！不過，講到目前最平的 S810 行貨機，其實並唔係 HTC One M9 而係號稱第一部用上 S810 處理器的旗艦。呢部機價錢近日在大鋪竟然跌到四千唔使！一齊來睇睇咩事啦。

LG G Flex 2 大鋪價錢暴跌！四千唔使抵唔抵？

今次版主要分享的主角就係 LG 的 G Flex 2 啦！ G Flex 2 的動向之前都有介紹過，雖然係第一部在港推出的 S810 手機，不過係銷情方面其實不算好突出，曾經係短時間內兩次減價，而且早已跌落四字頭。係規格上 G Flex 2 有 5.5 吋 OLED 芒， Qualcomm S810 處理器配 2GB RAM 同 32GB 內置容量（更支援最大 2TB 插卡），而相機都有 1300 萬像素主鏡頭同埋 3000mAh 容量電池。規格上雖然都叫得上係旗艦級，但係在用家體驗不算很好同埋 G4 強勢推出的情況下，賣價最後都難逃大跌的命運。今日版主在衛訊就見到 G Flex 2 價錢只需 $3998 ，到左呢個價位大家點睇呢？

今次衛訊的減價幅度其實相當大，甚至同先達的「場內行貨」價錢睇齊。今日到場內問價時， G Flex 2 的「場內行貨」價錢都要 $3980 左右，而水貨的價錢平少少，但都要 $3380 。至於其他同樣係 S810 嘅機種呢？之前版主 Keith 都分享過 HTC One M9 係大鋪做緊 $4998 ，而之前版主都做過開箱的 Nubia Z9 Max 呢？目前係深水埗大約都要 $3300 左右。唔知大家又點睇今次 G Flex 2 大減價呢？不妨講講意見啊。


▲ 係衛訊 G Flex 2 擺位並不算顯眼，但係價錢就平了不少。（更新：衛訊已標明了特價優惠）


▲場內 G Flex 2 的價錢改動也不算很大。

在文章發佈的時侯， LG G Flex 2 賣價為 $3998 起，按此看詳細規格與最新賣價。