點樣入手最著數？ LG G4 大鋪未減，細鋪五千頭有交易

Lawrence 2015-06-05 21:54 | LG

呢排最多朋友討論的旗艦機相信非 LG 的 G4 莫屬，看從推出以來好多網友都在留意到底幾時係 G4 的入手良機。雖然 G4 對比起上一代的 G3 係規格上改變不算好明顯，但係作為少有可以換電同插卡的手機，多人支持都好正常。之前版主 Keith 就推介入手 G4 最抵玩的方案，但係對於唔想轉台出機的朋友來講又有咩好路數平買 G4 呢？一齊來睇睇！

LG G4 大鋪未減，深水埗細鋪五千頭搞掂！

對於想入手的朋友相信都應該行遍曬所有大鋪，不過 G4 先剛剛推出，想以低個 $5698 呢個價錢入手真係好有難度，但係如果去到深水埗細鋪的話，想低過原價入手 G4 其實唔難！目前深水埗細鋪價錢最平 $5080 就可以買到行貨，睇返 LG G4 規格有 5.5 吋的 2560 x 1440 解像度屏幕，處理器都升級做 Qualcomm S808 六核心配 3GB RAM 同內置 32GB 容量，相機方面更加係無得彈嘅 F1.8 超大光圈 1600 萬像素鏡頭同 800 萬像素的組合，又有 3000mAh 可換式電池。只係五千頭就可以入手到呢部 LG 旗艦，實在算抵玩啊！

另外，係 G4 推出之後同樣有不少朋友有意入手 LG 旗艦，不過係上一代旗艦 G3 咁解。好可惜同 G4 一樣， G3 的賣價自從去到 $3998 之後就好少係大鋪有再跌的情況，如果想以較便宜價錢入手 G3 的話，深水埗細鋪而家都只係做緊三千二左右，都係可以一個考慮的價錢。

再來就係講講先達場內 G4 消息，近來韓水 G4 都係維持係 $4680 呢個價位，變動不算大。反而近日就多了不少 2 手 G4 出現，不過價錢就未必吸引到大家，較為平價有齊全套配件（雙電同有充電座）就要 $3880 ，而全新兼有單的 G4 就要 $5080 。唔知大家又覺得上台出機抵玩啲還是直接入手 G4 好呢？大家留言分享下啦！


▲ 無錯，細鋪有時都係要親口問先知所指的特價係減左多少嘅，目前 G4 大約 $5080 有交易，唔知幾時先會跌破五千呢？


▲ 同樣是行貨，不過係有單二手版都係 $5080 。

在文章發佈的時侯， LG G4 單卡與雙卡版本，定價為 $5,698，按此看詳細規格和最新賣價。