LG G4 大鋪一齊推「真。跳樓價」，跌破五千！
早前大鋪推出「即減 10%」優惠價後， LG G4 即時減到五千頭，可能已經有不少網友早買早享受。但過左一排除左細鋪有細幅度的減價之外，大抵上行貨 G4 的價錢都仲要四千尾、五千頭。近日版主就發現大鋪同時將 G4 賣價再調低，雖然各間大鋪店員提到佢地的賣價「平通街」，但事實上除左衛訊同百老匯之外，蘇寧同豐澤都將 G4 的價錢由原價 $5698 「即減一千」，變成 $4698 ！雖然送嘅禮品唔算多，只係得玻璃貼同埋一啲大鋪精品，但呢個價錢比起之前細鋪行貨價更平啊。如果將 G4 跟同期旗艦相比的話，雖然 G4 並唔係最平（因為 HTC One M9 一早跌穿四千五），但係吸引力實在高左不少，果然話 LG 手機以跌價見稱實在有一定的道理！場內 G4 價錢跟大鋪相差唔遠；下一輪劈價戰就快到？
今次大鋪齊齊「減足一千」可能因為實在幾突然，版主到先達問價時目前的場內行貨同大鋪價錢相距實在唔大。目前先達 G4 「場內行貨」價錢大約都要 $4280 左右，水貨的話都要 $3980 。相信大家都知道各大鋪之間競爭激烈，同時減價的情況不常發生，但今次 G4 減價有趣之處在於各大鋪可以話係不約而同地一齊減價，再加上今年 Andorid 旗艦機鋪量版主聽聞真係麻麻⋯⋯大家又覺得會唔會好快出現下一輪劈價戰呢？一齊留言講講啦！
▲ 其實 LG G4 由 5 月尾推出至今真係兩個月都無，但價錢就已經減左一千，難怪咁多人想買。
▲ 大鋪今次減得其實已經算多，可以見列先達的「有單全新行貨」都仲要 $4580 。
在文章發佈的時侯， LG G4 單卡與雙卡版本，賣價為 $4,698，按此看詳細規格和最新賣價。
