不是 LG G4+、更不是 G5，但都係 LG G4 加強版
LG V10 嘅一切，已在網上有得睇：佢會跟 LG G4 一樣，有 5.7 吋 IPS Quantum 屏幕，2560 x 1440 2K 解像度，達 513ppi，跟 LG G4 一樣，用上 Qualcomm S808 六核心處理器，不過配上 64GB ROM 及 4GB RAM! 3000mAH 電池仲可以換電、插卡。LG V10 同樣支援 Qualcomm Quick Charge 2.0 技術，四十分鐘就充好一半電。LG V10 今次唔再只係膠或皮，機框是用上 SAE 級數 316L 嘅不銹鋼，部份機身亦皮認證作 MIL-STD-810G 級數防震。不過，LG V10 就不支援防水及防塵。音效部份，LG V10 用上 32bit Hi-Fi DAC 電子處理器，提升音質；佢亦係首部智能手機支援 Qualcomm QFE2550 天線技術，加強話音及接收訊號效果。而 LG V10 亦配備機背指紋認證技術，並支援 Android Pay。LG V10 同樣配備 1600 萬像素後置鏡頭，有 F1.8 大光圈，OIS 光學防手震 2.0 版本。今次 V10 加入了 Manaul Video Mode，連拍片都有 M Mode，俾你控制快門速度、每秒拍攝張數，ISO、白平衡等等。LG V10 支援最高拍攝 4K 解像度，並有 16:9 及 21:9 電影屏幕模式解像度選擇。 而 LG V10 有兩個前置五百萬像素鏡頭，令你可以拍到 80 度自拍或 120 度 wide angle 自拍。在拍攝 Wide angle 自拍時，LG V10 會以軟件技術把兩張相片兩個鏡頭拍攝到嘅相片，二合為一，而新加嘅 Multi View Mode 更可以把三個鏡頭拍到嘅影像三合一變成四個不同角度嘅相片，效果係點，版主好想知。
LG V10 屏幕比較特別，因為係前方有兩個芒，多出一條 LG 叫作 Second Screen 嘅條型屏幕，到底呢呢個二號副屏幕有乜用呢？呢個 Second Screen 有 2.1 吋，160 x 1040 解像度，同樣用 IPS LCD Quantum Display 量子屏幕。佢跟主屏幕是可以分開運作並 Always On。作用，就跟 Samsung 嘅 Edge 邊異曲同工，都係 Show 下天氣、時間、日期電量咁囉。
版主短道 LG V10 會大約係十月份香港推出？售價？你想知咩？我以為大家想知新機一出，LG G4 可以再跌幾多咋喎？$2998 你入唔入手？(我都想知 LG V10 售價，但 LG 官方未有公佈）。
