如果你有留意到 Google 商店嘅話，你會發現由 LG 負責生產嘅 Nexus 5X 已經開始接受預訂，16GB 版本嘅售價為 HK $3398，而32GB 版本售價則為 HK $3898。顏色方面，Nexus 5x 將會有碳灰色、石英色以及冰晶色三種顏色。如果你今日訂購嘅話，將會在 1 星期內出貨。
▲ 可以見到 Nexus 5X 正式可以訂購，並將於 11 月 9 日前出貨，按圖可立即進入訂購頁面。
至於由華為負責生產嘅 Nexus 6P，目前黎講就仲未有消息，我地可以見到喺 Google 商店 Nexus 6P 嘅頁面度，仍然寫住「即將推出」的字眼。
▲ Nexus 6P 就仲未有得訂。
另外配件方面，Google 商店上亦為 Nexus 5X 以及 Nexus 6P 推出了一款通用型 15W USB Type-C 充電器，能夠讓使用 USB Type-C 嘅手機、平板快速充電，售價只需 HK $200，相對外面嘅充電器黎講較為便宜。
不過既然而家 Nexus 5X 都開始有得訂，相信 Nexus 6P 應該都好快黎到香港! 大家對呢兩部機邊一部嘅期望大啲呢? 你地又會唔會買 Nexus 5X? 留言講下啦!
