首先講下待機時間方面，經測試後發現，如果把副屏幕關掉，LG V10 的待機時間大約有 56 小時。但如果一直把副屏幕開住，待機時間則縮短為 46 小時，待機時間相差足足 10 小時，可見呢個副屏幕的耗電量都頗大。除左測試左待機時間之外，外國傳媒亦為 LG V10 進行 3G 通話時間、網頁瀏覽時間以及影片播放時間的測試，發現 LG V10 的 3G 通話時間只有 16 小時 40 分鐘，仲低過 17 個鐘，呢個結果真係有點令人失望。
▲ 可見開住副屏幕，待機時間會少左成 10 小時。
▲ LG V10 的 3G 通話時間為 16 小時 40 分鐘，在同樣 3000mAh 電量的手機來說，這個結果頗令人失望，LG V10 的通話時間比 LG G Flex 2 少成個鐘，相比 Samsung Galaxy S6 Edge+ 差不多少左一倍。
至於網頁瀏覽時間方面，LG V10 的上網時間為 8 小時 20 分鐘，比 Samsung S6 Edge 的網頁瀏覽時間少好多個小時。根據數據顯示，LG V10 的網頁瀏覽時間同 Nokia Lumia 810、Asus PadFone 2 相若。最後影片播放方面，相信唔少人都中意用手機睇片，而呢部 LG V10 的影片播放時間大約為 7 小時 30 分鐘，係以上咁多方面黎講最令人失望。
▲ LG V10 的網頁瀏覽時間大約為 8 小時 20 分鐘。
▲ 而影片播放方面仲更加令人失望，只有 7 小時 30 分鐘。
睇完以上的測試結果之後，會唔會對呢部 V10 有點失望呢? 你可能會話：無希望過自然唔會失望。係嘅! 不過如果大家有睇過版主之前嘅 post，應該都知道版主個人對呢部 V10 很感興趣，甚至將佢稱之為「神機」，但以上的數據令本來對呢部 V10 有期望嘅版主有點失望。中意 V10 的你，會唔會都有同樣感受呢? 留言講下啦!
來源：GSMArena
