LG G4 升級重點 1 ：想早升級早享受？首先你要下載 LG Bridge
上文都提到，今次 LG 暫時沒有用到大家熟悉的 OTA 更新方法，所以大家無論係更新欄到檢查幾多次都無用的（當然遲可能會有 OTA 都唔定）。但對於想升級的朋友來講，首先你要到 LG 官網下載左 LG Bridge 先，方法就係在「流動裝置」中選取「 LGH818N 」也就是 G4 雙卡版，再到 PC Sync 下載 LG Bridge 。
▲ LG Bridge 可以從 LG 官網中下載。
LG G4 升級重點 2 ：你是不是 Mac 用家？
可能係整個升級最重要的一點，就係閣下的電腦是不是 Mac ，因為如果你好似版主一樣下載 Mac 版本的 LG Bridge ，雖然同樣會收到 Android 6.0 的更新，而且可以順利下載升級，但係最後會收到一個殘忍的訊息：「 Your Software cannot be updated using the LG Bridge Mac Version 」。無錯，G4 要升級，首要條件係你要有 Windows 電腦⋯⋯
▲ 唉⋯⋯ G4 更新先決條件，就是要用 Windows Version 的 LG Bridge 。
LG G4 升級重點 3：加入電池最佳化
大家都知 Android 6.0 其中一項賣點就係能夠改善手機電池續航力，而 G4 今次都加入左電池最佳化選項。係用法上，其實 G4 電池最佳化做法同 Sony 的 stamina 模式好似。係電池優化模式啟用之後，係有可能收唔到 Notification 的。大家可以到「忽略優化」選擇個別的 app ，保障可以收到更新。
▲如果啟用電池最佳化功能的話，係「忽略優化」中最好剔返 Whatsapp 呢類通訊 app 啦！
LG G4 升級重點 4：用家更有保障，應用程式權限你話事
同樣是由 Android 6.0 帶來的新功能，就係應用程式的取用權限由用家去決定。係裝 app 並開啟後，會有快顯視窗查問你是否準許給予許可權。同時，用家可以係設定－＞應用程式－＞許可權 去變更選項。
▲ 應用程式權限的控制大左，都算係一個保障到用家的功能。
LG G4 升級重點 5：Knock Code 也更新了
講左兩個 Android 6.0 原有的賣點， LG 又有沒有為自家軟件帶來更新呢？都有的。新的 Knock Code 做法係：用家至少要點選 6 次並使用 3 個不同的四分之一分區。不過，屏幕解鎖就可以保留用家當前設定。
▲ Knock Code 上的玩法也不同了。
LG G4 升級重點 6： Qmemo 改左名
呢樣其實唔算係更新，因為在功能上沒有改變，只係改左名，但都值得留意的。係通知面板上， QMemo+ 已經改名為 Capture+ ，但功能沒有變的。
▲ 係 Notification Bar 上的 QMemo+ 已改名為 Capture+ 。
續航力表現又如點樣？以下是一個較嚴苛的測試
▲ 點解稱之為嚴苛呢？因為部 G4 除左如大家所見， NFC 以及藍牙都開左之外，手機亦同部左一組 Google 帳號、 Facebook 帳號以及 Facebook Messenger 。以上就係今次 G4 結果，之後會再以將手機 Reset 測試多次。
資料來源： LG
在文章發佈時， LG G4 賣價為 $4298 ，按此看手機詳細規格及最新賣價。
