搶先升級 Android 6.0! G4 大舖唔駛四千
LG G4 可說是今年最多網友想入手嘅手機。夠狠嘅，就會幫親水貨，想享受香港行貨優質服務，當然要等行貨。但 LG G4 係大舖行貨，一直穩企係 $4298 呢個價，今日衛訊及百老匯，開出 $3798 呢個價。版主問過，雙卡與單卡片，都係呢個價。LG G4 早排傳出雙卡片有得升級 Android 6.0，但據知很快就係 LG Bridge 軟件裡收埋。而係外國嘅評論表示，G4 今次升級，不能把記憶卡與內置記憶體合二為一，電量亦沒有因為升級 Android 6 有提升，可能係咁，香港暫時 Hold 起左，但 LG 香港早前講過，應該一月份會透過 OTA 讓香港 G4 用家享用 Android 6 嘅更新。咁手機減左價，大家又會入手嗎？慳電王 Nexus 5x 平過上網買
唔知大家對 Nexus 5x 睇法如何，似乎網友對佢只有 2GB RAM 有點介意。但早前 HTC 測試員 Andriew，居然係佢篇 HTC One A9 文章披露了 Nexus 5x 其實好慳電！只有 2750mAH 電量，但比起 3000mAH 電嘅 LG G4 更加耐用 ，可能因為佢係 Nexus 手機，無咁多 LG 功能加持，電都慳左。不過，若果網友唔大 Like 2GB RAM，減價都合理嘅。16GB 版本 Nexus 5x 係百老匯已減到 $2998，三千有找! 32GB 版本就要 $3698。
V10 衛信即減一千
講到最瘋，一定係 LG V10！版主係旺角電器連銷店行過，百老匯只能少減五百，要 $5198，但衛訊減多一倍！$4698 就買到! 都話架啦，LG 手機，上五千蚊係好困難，大家會立即入手，定係再等佢減到三千蚊？
溫馨提示：競爭條例生效：不肯減的品牌，星期一都要減
有留意開 ePrice.HK 嘅手機行情，都知道肯減價嘅品牌，不出 HTC、LG 與 Sony。三星與蘋果係死都唔肯減嘅一 類，但清況可能有變。香港競爭條例會係 12 月 14 日 (一) 生效，其中合謀定價、操控轉售價格、集體杯葛等等，都會列為反競爭行為，即係手機廠再不能用重重手段，唔俾零售店，自行減價。三星、蘋果等手機唔肯跌價，版主唔知係咪因為佢地做左「反競爭行為」，但相信星期一，好大機會連呢 D 品牌都要減。大家留意 ePrice 嘅分享啦。
▲ 已有 Gadget 產品新聞稿，已列明零售價由經銷商自行定，廠家操價嘅年代，有望結朿。
LG V10 係文章刊登時，賣價為 $4698，按這裡有更詳細規格與賣價。
LG G4 係文章刊登時，賣價為 $3798，按這裡有更詳細規格與賣價。
LG Nexus 5 係文章刊登時，16GB 賣價為 $2998，32GB 賣價為 $3698，按這裡有更詳細規格與賣價。
