最多減 $900 ！ Nexus 5x 價錢仲抵過大鋪！
喺今次 Google 減價之中， Nexus 5x 相當值得留意，大家係 Goolge Store 上唔好因為見到「HK$500 off Nexus 5X. Price as shown.」呢句就以為 5x 減得少少，實際上 5x 同原價相比，足足平咗 $900 ！現時 Nexus 5X 16GB 版本價錢為 $2,498 而 32GB 版本價錢為 $2,998 。呢個價仲平過大鋪呢！至於 Nexus 6P 亦一樣有減價，但要留意未必係款款都咁抵玩，主要原因係減幅相比 5X 唔算好大，全系列只係減咗 $500 。當中可以留意 128GB 版本的 Nexus 6P ，因為呢款只有 Goolge Store 可買，大鋪係買唔到的，價錢係減咗 $500 之後變成 $5,188 。另外 32GB 以及 64GB 版本售價分別為 $4,188 同埋 $4,488 ，比起大鋪價都係比較貴的。最後，Google 親自出手減價固然值得高興，但亦都有少少遺憾，就係原本只在日本推出的 Nexus 6P 金色機身，早前已經喺美國開賣，但現時依然未有蹤影。唔知大家見到今次 Goolge 大減價益街坊，會唔會增加入手親生仔嘅意欲呢？留言講講啦！
▲Nexus 5X 本來 16GB 版本價錢都要 $3,398 ，而家只係 $2,498 ，減得比 Nexus 6P 更誇張。
▲ Nexus 6P 128GB 版因為喺大鋪係無得買的，但 128GB 版一樣有得減，因為今次減價是全球性啊！
以下就係今次 Google Store 減價後的價錢，比大家一次過睇晒：
在文章發佈時， Google Nexus 5X 16GB 版本價錢為 $2,498 ，按此看手機詳細規格及最新賣價。
在文章發佈時， Google Nexus 5X 32GB 版本價錢為 $2,998 ，按此看手機詳細規格及最新賣價。
在文章發佈時， Google Nexus 6P 32GB 版本價錢為 $4,198 ，按此看手機詳細規格及最新賣價。
在文章發佈時， Google Nexus 6P 64GB 版本價錢為 $4,498 ，按此看手機詳細規格及最新賣價。
在文章發佈時， Google Nexus 6P 128GB 版本價錢為 $5,198 ，按此看手機詳細規格及最新賣價。
資料來源：Google
