無懼死機問題， LG G4 大鋪再減價
係 2 月 21 號星期日當晚， LG 就會率先發佈新一代旗艦機 G5，所以今次版主都講左 G4 先。講到 G4 ，大家應該會聯想到兩件事，第一係近排爆出的死機重啟問題，另外就係劈價夠快夠狠。係價錢方面，其實 G4 係 12 月劈價戰之後，大約都係減左一千蚊左右，大鋪同埋有賣淨機的 csl 都賣 $3498 。不過，版主今日就見到係大鋪 G4 價錢再有減價，落到去 $3298 ，比起原本平多兩百之餘，用返原本定價計，都已經減左 $2400 ，價錢同細鋪睇齊。唔知大家又覺得夠唔夠睇頭呢？
▲ 其實 G4 係衛訊都有減價，但因為佢哋係將「原價」由 $4698 改成 $4498 ，所以仍然維持「即減 $1200」呢個標籤，比較難意識到有減價。
Galaxy S6 系列全面劈價，大細芒都有份！
來到 Samsung 方面，唔知係咪因為即將推出嘅係 Galaxy S7 系列的關係，對比起 LG 只係減左 G4 而無減到 V10 ， Samsung 就不論大少，無論係 S6 、 S6 edge 還是 S6 edge+ ，係大鋪都有減價。先講左最大部的 S6 edge+ ，其實賣淨機的電訊商好似 csl 一早就有將呢部機「即減 $1000」咁賣，對比大鋪咁耐以來只係減左 $800 ，其實更加積極。而今日版主就見到，不論係衛訊、百老匯還是蘇寧， S6 edge+ 的賣價都已經跟上步伐， 32GB 同 64GB 版本一樣減一千，賣 $5388 同 $6188 。除左上面提到的 S6 edge＋ 之外， 5.1 吋芒的 S6 edge 係今個星期較早之前，都有進一步減價，同樣係加碼至「即減 $1000」促銷， 32GB 以及 64GB 版本價錢分別為 $4698 同埋 $5498 。 另外值得一提係，在衛訊方面， Galaxy S6 價錢都減到 $1000 賣 $3998 。成為左第一部 2015 年推出，而且大鋪行貨價跌穿四千蚊的 Samsung 旗艦。（但對比其他牌子， Samsung 手機仍然係偏貴呢～）
▲ 講到明係 Galaxy S6 系列減價，所以即使 S6 edge+ 減一千， Note 5 係大鋪依然只係減 $800 。
▲ S6 edge 都係即減 $1000 ，但係 Galaxy S7 即將推出，唔知 Samsung 稍後會唔會再有減價？
▲ Galaxy S6 版主發現呢排大鋪少左展示出來，有可能係新機上場後就會無貨？
在文章發佈時，LG G4 賣價為 $3298 ，按此看手機詳細規格及最新賣價。
在文章發佈時， Samsung Galaxy S6 edge+ 32GB 版本價錢為 $5388 ，按此看手機詳細規格及最新賣價。
在文章發佈時， Samsung Galaxy S6 edge 32GB 版本價錢為 $4698 ，按此看手機詳細規格及最新賣價。
在文章發佈時， Samsung Galaxy S6 edge 64GB 版本價錢為 $5498 ，按此看手機詳細規格及最新賣價。
在文章發佈時， Samsung Galaxy S6 價錢為 $3998 ，按此看手機詳細規格及最新賣價。