外型搶先睇，全金屬機身＋可換式電池是重點！
LG G5 個樣大家一早見過，但實際上係咪真係大家想像中咁差呢？看來又未必。係外型上， G5 的屏幕的確比起上一代 LG G4 細，只有 5.3 吋，呢方面可能未必滿足到大家的要求。但在改用金屬材質的處理上，看來 LG 都花左唔少心機。首先係背蓋方面，大家都明白全金屬機身難免要加上「蹦帶」用作天線之用。但係 LG 就用上 microdazing 技術，令 G5 機背可以保持整體金屬質感。同時再加上將絕緣天線，以隱藏式設計的方式融入金屬機身當中，令手機金屬外殼近乎無縫的外觀可以保持。可惜，可能係為左令 LG G5 整體觀感更美觀，以往用開 LG 手機的用家，可能要花少少時間再適應沒有Rear Key 的日子了。（音量鍵在機身左側）係外型上，G5 最重大的革新就係機底部份的「Magic Slot」。呢個 Magic Slot 除左令用家可以透過拆開手機「下爬」換電之外，亦係模組化設計的精粹。因為正如之前傳言所指， LG 真係推出左兩組 G5 專用模組，一個就係同 B & O Play 聯手製作的 Hi-Fi Plus DAC 模組。而另一個就係內置 4000mAh 電池，可以操作快門、變焦的 Cam Plus 握把。只要大家更換 LG G5 個「下爬」，就可以為 G5 加強係音樂同攝影上的表現。
最後，再同大家提一次 LG G5 規格，除左上面提過的 5.3 吋 2K 解像度 IPS Quantum 屏幕之外，仲有 Qualcomm S820 處理器再加 4GB RAM 。相機方面就有 1600 萬像素以及 800 萬像素的「雙主鏡頭」。唔知大家又會否因為 LG 今次的大膽嘗試，而對 G5 有所改觀呢？留言講講吧。
▲ LG G5 係屏幕上比起上一代細，只有 5.3 吋。
▲ 機背改用金屬材質，可以見到，雖然外型不太討好，但就無左「蹦帶」。
▲ 側面看有點似 Nexus 6p 喎。
▲ 相機方面，有一個 1600 萬像素以及一個 800 萬像素鏡頭。（下面就係指紋掃描器）
▲ 新一代旗艦都有新改變，就係用左 USB Type C 了。
▲ 從 G5 卡槽可以見到，大家需要的 SD 卡支援仍然有，此外，繼續使用 MicroSIM 方便用開儲值卡嘅用家。
▲ 另外，大家唔好唔記得 G5 的屏幕有 Always On 功能啊！即係屏幕無時無刻都可以顯示時間；日期等重要訊息。
▲ 好，而家就來表演「驚嚇式抽拆換電」，表面上呢個係個普通「下爬」
▲但呢個「下爬」係可以拆出來的！
▲ 連帶電池都可以抽出更換！
▲ 驚嚇程度有無 90 分呢？
▲唔少人提到，呢個「模組化」設計 (LG 叫作 LG Friend) 會有一個問題，就係更換其他配件事，手機一定會關機一次（因為電池都被抽出來了）。
▲ 呢個就係 G5 專用相機握把插件，好處係由本來唔係好夠嘅 2800mAH 加多一千電量，而左上亦有旋控，方便 Zoom in Zoom Out。
▲ 影相個陣係咁。
▲ LG G5 有銀、鈦黑、金、粉紅色四色可選，但不知是不是拍攝質素問題⋯⋯看起來真係好難分辨呢！
▲ 四款顏色嘅 LG G5 放係一齊個陣係咁樣，都算好薄。
▲ 點解左面嘅 LG G5 兩截色？
▲ 原來加了有 DAC 有 B&O 加持嘅高解折音樂模組。
▲ 各款 LG Friend 配件。
▲ 不同 Friend 會令 LG G5 變成咁樣。
▲ 360 度眼鏡配件。
▲仲有全景攝像波波，令LG G5 玩味十足。
來源：PocketNow / The Verge
LG G5 評測及報導
驚嚇式抽拆換電! LG G5 推開機底，模組現場試恨不得平價立即入？LG G5 發佈！S820 CPU + 4GB RAM 好威威
揮低舊旗艦? LG G5 外型、規格 比拼 G4、V10
有圖有片動眼看！1600+800 萬像素雙鏡頭 LG G5 版主超詳測
LG G5 UI 大陸化！外媒評測狠批預設無 App Drawer
LG G5 飛甩 App Drawer 大陸化？Google 都 Buy 喎
插卡又如何？Galaxy S7、LG G5 不支援 Adoptable Storage
G5、S7 Edge 鬥跑分！旗艦效能大戰， Samsung 還是 LG 蠃？
規格全面比拼 ！f1.7 大光圈 S7 Edge 大戰 LG G5，撐邊個？
LG G5 係文章刊登時，售價未定，按這裡有詳詳細規格及最新賣價
