如果從外型方面黎睇，G5、G4、V10 呢三部機當中，平心而論，版主我係比較中意 G4。點解呢? 因為個人覺得，G4 的皮革設計真係好靚。V10 的機背部分採用了顆粒紋路以及橫跨機背的切線設計，背後的格紋其實版主個仲係唔識得欣賞，不過或者係因為佢雙屏幕的關係，V10 居然相當受歡迎。當然 G4、V10 都保留了 LG 的設計特色，並有 Rear Key，方便調較音量。
至於剛剛發佈的 G5，雖然同 G4、V10 一樣，都係採用了 2K 屏幕，但 LG G5 的屏幕明顯比 G4、V10 更細。至於外型方面，老實講版主個人覺得 G5 比不上 G4、V10，特別係機背的「火山口雙主鏡頭」，實在令版主覺得：「唔係話？你想點呀？」不過咁，LG G5 有佢的優勝之處，就係在於佢嘅規格以及功能方面。LG 參照了 V10 的設計特色，在 G5 上加入了 Always-on Display 功能，讓用家能夠在隨時在屏幕上看見時間、通知等資訊。而且 G5 比 G4、V10 強大的地方，在於佢嘅模組式設計，能夠做到可換電、加入有用配件等功能。
另外，LG G5 的主相機雖然同 G4、V10 一樣，都係維持左 1600 萬像素的水平，但不同的地方是，G5 額外再加入了一個 800 萬像素的主相機，形成「雙主鏡頭」的設計，讓用家可以任意選擇拍攝 78 度廣角或 135 度的超廣角的照片。另外，LG G5 在處理器上亦有大幅度的升級，不再使用 G4、V10 的 Qualcomm S808 六核心處理器，而換上雖然只有四核心、但性能更強的 S820 處理器，能夠提供 64-bit 效能、Adreno 530 圖像顯示與低電量 Hexagon DSP、Quick Charge 3.0 等升級。
為左方便大家更能清楚睇下 LG G4、G5 以及 V10 的規格差別，版主利用了 ePrice.HK 的手機比拼系統，讓大家可以了解更多呢三部機的不同！
▲ 按上圖或按這裡可以進入 ePrice.HK 手機比拼系統。
LG G5 評測及報導
驚嚇式抽拆換電! LG G5 推開機底，模組現場試恨不得平價立即入？LG G5 發佈！S820 CPU + 4GB RAM 好威威
揮低舊旗艦? LG G5 外型、規格 比拼 G4、V10
有圖有片動眼看！1600+800 萬像素雙鏡頭 LG G5 版主超詳測
LG G5 UI 大陸化！外媒評測狠批預設無 App Drawer
LG G5 飛甩 App Drawer 大陸化？Google 都 Buy 喎
插卡又如何？Galaxy S7、LG G5 不支援 Adoptable Storage
G5、S7 Edge 鬥跑分！旗艦效能大戰， Samsung 還是 LG 蠃？
規格全面比拼 ！f1.7 大光圈 S7 Edge 大戰 LG G5，撐邊個？
LG G5 係文章刊登時，售價未定，按這裡有詳詳細規格及最新賣價
